Jolebi 5:7 - Baibuli I Leb Kumam 2013

⁷ Do ka dano nono ngacan likame etwero kwanyo oromo amoto diel, en ebino tero ne Rwot pi kwanyo dub mere amam are arabo ilukei are. Acel pi bedo giayala me kwanyo dub kede acel pi bedo giayala awanga.

Jolebi 5:7 Iomraidhean Croise

Jolebi 12:6

Kame kare mere me lonyere otiek ingei nywalo atin awobi amoto nyako, en ebino tero ne ngasaseredoti i ekeko me Eema kacil atin romo me mwaka acel pi bedo giayala awanga, kede eluke amoto amam pi bedo giayala me kwanyo dub.

Jolebi 12:8

Ka en ebedo ngacan likame etwero kwanyo oromo, poore ekwany amam are amoto ilukei are; acel bino bedo giayala awanga kede acel bino bedo giayala me kwanyo dub; di ngasaseredoti ko timo pwola me kwanyo pwokere mere di en eko bino doko dano kolonyere.

Jolebi 14:30

Di do ngasaseredoti ko bino yalo amam arabo eluke acel, di lubere kede kite kame etwero kede,

Jolebi 14:31

bala giayala me kwanyo dub, kede ocelu mere eko yalo bala giayala awanga karacel kede giayala me alos. Iepone noni, ngasaseredoti bino timo pwola me lonyo dano kopwokere.

Jolebi 15:30

Ngasaseredoti bino yalo gi; acel bino bedo giayala me kwanyo dub kede ocelu ko bedo giayala awanga. Epone noni en kame ngasaseredoti bino timo kede pwola me lonyo dako kame tie kede pwokere pi ony me remo.

Jolebi 16:5

“En ebino gamo kibut jo me Isirael ikoroi are pi bedo giayala me kwanyo dub, kede emerekek acel pi bedo giayala awanga.

Jolebi 27:8

“Ka dano moro kame oudo okwongere but Rwot can odio omio likame ekaruno culo wel nogi, en ebino tero i nyim ngasaseredoti dano nono kame oudo en ekwongere pi mino, di ngasaseredoti ko bino ngolo ne wel kame tie pipiny di lubere kede gikame en ekaruno culo.

Jolebi 5:11

Do ka dano ngacan likame esobolo kwanyo amam are amoto ilukei are, en ebino tero kilo acel me alos kame konungo kiber bala giayala mere me kwanyo dub. Likame ebino keto iye mo me olibeti amoto odok angwe kur, pien manono obedo giayala me kwanyo dub.

Jolebi 7:1

Magi en iswilia amako giayala me timo cul; manono obedo gikacil twatwal:

Jolebi 9:3

Di iko waco ne jo me Isirael pi kwanyo ekoroi pi bedo giayala me kwanyo dub, kede roya me mwaka acel kede atin romo me mwaka acel kame li kede peko moro i kom gi pi bedo giayala awanga.

Wel 5:6

yamo ne jo me Isirael be, “Ka ngatamoro likame obedo kede genere but Rwot, di eko timo ne dano ace gikarac, dano nono bedo kede raco;

Wel 6:10

I ceng me kanyauni mere gin kibino tero amam are amoto ilukei are ne ngasaseredoti i ekeko me donyo i Eema ka Rwot,

Wel 6:11

di ngasaseredoti ko bino yalo acel bala giayala me kwanyo dub kede ocelu bala giayala awanga, di en eko timo pwola me lonyo gi, pien udo gin kitieko doko jo atie kede raco pi mulo kom dano oto. I ceng nono gin doko kiko bino medo kwero yer me wi gi but Rwot,

Matayo 10:16

“Nenunu, ango atie cwano wu bala romini i dier ipeon. Pi mano, bedunu di iriekunu bala twole, doko di imwolunu bala aweleko.

Matayo 21:12

Yesu oko donyo i tempulo, di eko riamo jo dedede kame oudo tie cato kede wilo jame ooko. En eko rereto imesai me jo kame oudo seso sente, kede gibedo me jo kame oudo cato amam.

Matayo 3:16

Ingei batiso Yesu, en eko wok ki dud pii, cucuto di malo oko yabere ne, di eko neno Tipo ka Rubanga di bino oko poto i kome bala awele.

Luka 2:24

di gida kiko mino giayala bala kite kame oudo iswil ka Rwot waco kede be, “Amam are arabo ilukei atitino are.”

2 Jokorinti 8:12

Ka mit me mino tie, Rubanga gamo giamia, di lubere kede gikame dano tie kede, do weko gikame eli kede.