Jolebi 5:6 - Baibuli I Leb Kumam 2013

⁶ Di do pi kwanyo dub kame en etimo, en eko tero but Rwot diel amoto oromo adako bala giayala me kwanyo dub. Di ngasaseredoti ko mino giayala me kwanyo dub ka dano nono.

Jolebi 5:6 Iomraidhean Croise

Esekeri 40:39

I agola alac me kadonyo nono oudo tie iye imesai ongwon, are i bad tetuni kede bobo are i bad tetuca. Imesai nogo en kame oudo kongolo iye leini me giayala awanga, giayala me kwanyo dub kede giayala me timo cul.

Esekeri 42:13

Icuo nono oko waco na be, “Agolai atie i bad tetu malo kede i bad tetu piny, kame neeno kede kakatwolo me nget tempulo obedo agolai kacil, kakame josaseredoti aoto i nyim Rwot camo kiye giayala kacil kalamo. Kanono en kame gin kiketo iye giayala kacil kalamo: giayala me alos kede me kwanyo dub kede me timo cul.

Esekeri 44:27

di eko ot i diakal me yie me tempulo pi mino giayala mere me kwanyo dub; ango Rwot en awaco.

Jolebi 4:20

Ebino timo i kom twon nono gikame cal acala bala kame kotimo i kom twon kobedo giayala me kwanyo dub. Iepone noni, ngasaseredoti mio giayala me kwanyo dub kame jo otimo, di Rubanga ko sasiro gi ki dub gi.

Jolebi 4:28

cucuto ka en eko niang dub mere nono, en ebino tero giayala me diel adako ali kede peko moro i kome.

Jolebi 4:31

Di do en eko waro kakamio mere dedede, bala kame kokwanyo kede kakamio me giayala me nywak, di ngasaseredoti ko wange eduny yiro i wi alutari, di ngwece mere ko yomo cuny Rwot. I yore noni, ngasaseredoti bino mino giayala me kwanyo dub me dano nono, di Rubanga ko sasiro en.

Jolebi 4:32

Ka dano otero oromo pi bedo giayala akwanyo dub, poore ebed oromo adako kame li kede peko moro i kome.

Jolebi 4:35

Di do en eko waro kakamio mere dedede, bala kame kokwanyo kede kakamio me oromo kobedo giayala me nywak, di ngasaseredoti ko wange eduny yiro i wi alutari, di ngwece mere ko yomo cuny Rwot. Iepone noni, ngasaseredoti bino mino giayala me kwanyo dub me dano nono, di Rubanga ko sasiro en.

Jolebi 6:6

Ingei cul, di do en eko tero but ngasaseredoti oromo arabo ekoroi kame li kede peko moro i kome pi bedo giayala me cul.

Wel 6:12

di kiko bobo mire bute bala jo kokwerere bute. Kare me kwerere gi kokato cen likame kobino maro, pien yer wi gin oudo oko munaun. Gin kiko bino kwanyo atin oromo me mwaka acel bala giamia me timo cul.