Jolebi 5:5 - Baibuli I Leb Kumam 2013

⁵ Ka dano ongeo be etie kede raco moro i kom magonogo, poore etuc dub kame etimo i nyim jo.

Jolebi 5:5 Iomraidhean Croise

Yobu 33:27

Dano nono wero i nyim jo di ewaco be, ‘Ango adubo, doko aparao tenge ki gikame oudo poore, do Rubanga likame oko mina alola kame oudo apoore udo.

Sabuli 32:5

Di do ango ako tuco dub na buti, doko likame ako kano tim na areco; ango oudo awaco be, “Ayaro tuco gikareco na but Rwot,” bin in iko sasiro ango ki raco na.

Agole 28:13

Ngat kame kano dub mege likame bino udo bero moro, do dano kame tuco dub mege di eko swilaro, Rubanga bino time kisa.

Yeremia 3:13

Kenekene in yei raco ni, be in ijemo ne Rwot Rubanga ni, di iko ot gabo amara ni but rubangan me jokumbor i dud yen oduko, di iko dagi winyo dwana, ango Rwot en awaco.

Danieri 9:4

Ango alego but Rwot Rubanga di atuco dub ka jo na. Ango awaco be, “Rwot Rubanga, in idwong twatwal, wan omi wor. In igwoko isikan ni, doko inyuto amara abedo nakanaka but jo kame mari kede kame gwoko cik nin.

Jolebi 16:21

En ebino dokakino cinge are dedede i wi diel akuo nono, di eko tuco gikareco dedede me jo me Isirael, jemo gi, kede dub gi; en ebino keto gi i wi diel nono di eko cwane eoto tenge i wi tim di dano kame koyero en kame tere.

Jolebi 26:40

“Do ka ikwae wu bino tuco dub gi kede me ka joakwari gi kame bin odagi lubo kop na di kiko jemo na,

Jolebi 5:13

Iepone noni, ngasaseredoti bino mino giayala me kwanyo dub kame dano nono otimo, di Rubanga ko sasiro en. Bala kame kotimo kede i giayala me alos, alos ace kodong bedo me ka ngasaseredoti.

Wel 5:7

en epoore tuco dub mere, di eko timo cul dedede but ngat kame en etimo ne gikarac nono, di bobo eko medo cule etango me acel i kom kany me cul nono.

Joroma 10:10

Pien dano yei i cunye di eko doko ngat kopoore; kede etuco kede doge di eko udo alako.

Yosua 7:19

Yosua oko waco ne Akan be, “Dano na, wac kop me ateni i nyim Rwot Rubanga me Isirael, di iko tuco gi dedede. Nan wac na gikame in itimo, kur imungi.”