Jolebi 5:4 - Baibuli I Leb Kumam 2013

⁴ Ka dano moro ocore lairo atatai di likame etamo pire, bed bala ilair nono tie pi gikame rac amoto gikame ber, en ebedo tie kede raco cucuto ka en eniang i tim mere nono.

Jolebi 5:4 Iomraidhean Croise

2 Samuel 21:7

Do abaka oko weko akwar Saulo acel odong, en Mepiboset wot ka Jonasan, piento en oudo emio cikere but Jonasan wot ka Saulo i nying Rwot.

2 Abakai 6:31

Di do eko waco be, “Akwao be Rubanga neka ka tin piny oyuto di likame kongolo ngut Elisa!”

Sabuli 106:33

pien gin kimio Musa wangcuny, di eko waco kope kame oudo likame epoore pi yamo.

Jolebi 5:13

Iepone noni, ngasaseredoti bino mino giayala me kwanyo dub kame dano nono otimo, di Rubanga ko sasiro en. Bala kame kotimo kede i giayala me alos, alos ace kodong bedo me ka ngasaseredoti.

Jolebi 5:3

Ka dano omulo gimoro me kom dano, gi me kwer apwoko dano, do di oudo likame emulo akaa, cucuto ka en eko niang iye, udo en etie kede raco.

Wel 30:6

Ka dako kalikame oudo konyomo okwongere, arabo oudo ewaco kop moro di likame eketo tam mere iye, kop kame oko mino en etwere kene, ka en eko nyomere,

Wel 30:8

Do ka cware oko dagi ne i kare kame en ewinyo kede kop me kwongere mere nono, en likame ebino gwoko kwongere nono, arabo cikere kame oudo en ewaco kede doge di likame eketo tam mere iye, cikere kame oudo en etwere kede kene; doko Rwot bino sasiro en.

Matayo 14:7

omio en eko cikere di elairo pi mino nyako nono gimoroni kenekene kame en ebino penyo be mie.

Matayo 14:9

Gini oko cobo cuny abaka, do pi kite kame oudo etieko kwongere kede i nyim wele mege, en eko ciko be miero mi nyako nono gikame epenyo.

Marako 6:23

En eko kwongere di ewaco ne be, “Ateteni gimoroni dedede kame in ipenya abino mini, akadi dul me piny kame ango apugo.”

Tice 23:12

Kakame piny oru kede, Iyudayan oko iiko tam di kikwongere be likame kiyaro camo arabo mato gimoro tuno di kineko Paulo.

Yosua 2:14

Cuo nogo oko waco ne Rakab be, “Ka gimoro arac otimere ne wu, okwao be Rubanga kwany kuo wada! Ka likame in iwaco ne ngatamoro gikame wan obedo timo, wan ocikere buti be kame Rwot omio wa lobo noni, wada obino timo ni bero kede cuny me genere.”

Yosua 9:15

Yosua oko timo kede gi isikan me awotin di eko cikere pi gwoko kuo gi, di do jotel me Isirael oko kwongere pi gwoko isikan nono.

Jongolkop 11:31

ango abino wango bala giayala buti dano me agege kame bino wok ki oda pi riamo keda kakame ango adwogo kede ki kabwono yi.”

Jongolkop 21:18

Do likame wan otwero yei negi nyomo anyira wa, pien wan oudo otieko waco be ilam poore mak dano kame bino mino nyare nyomere kede icuo me ekeko ka Benjamin.”

Jongolkop 21:7

Nan obinunu timo benyo pi udo ne jo ka Benjamin kodong mon? Pien wan otiekunu kwongere but Rwot be wan likame obinunu mino gi kinyomo nyar wa moro.”

Jongolkop 9:19

Aso, ka gikame wun tin itimunu ne Egidioni kede jo me ode oudo obedo gi me ateni kede kame poore, wun lelunu pi Abimelek, doko poore eda elel piru.

1 Samuel 1:11

En eko kwongere be, “Okwe Rwot me jo yi, koto ineno can kame ango ngatic ni atie iye, di iko yutuno ango, di likame wi ko wil kede ango ngatic ni, do iko mina atin awobi. Koto ango ako bino mine buti pi kare me kuo mere lung. En likame ebino mato bwini amoto mato gi ace amero jo, doko da likame ebino lielo wie.”

1 Samuel 25:22

Ango akwao Rubanga emia alola ka odiko otuno di pwodi ango aweko icuo acel kikom jo mege likame aneko.”