Jolebi 5:2 - Baibuli I Leb Kumam 2013

² Arabo ka dano omulo gimoro me kwer, bala kom le me obar oto, amoto le moro oto me paco, amoto kom gimogo abwote nyidinyidi di kiko to, do di likame oudo emulo akaa, udo dano nono otieko pwokere, doko udo etie kede raco.

Jolebi 5:2 Iomraidhean Croise

Sabuli 19:12

Do ngai kame karuno neno abucar mere en kene? Okwe Rwot sasiro ango ki raco na kame akwia.

Isaya 52:11

Yaunu, yaunu tenge ki kunono! Wun jo kame yeo jamini me timo tic ka Rwot, kur imulunu gimoroni komunaun; yaunu tenge kiye di ikounu lonyere.

Jolebi 11:11

Giakuo nogo obedo ne wu gi me kwer, likame ipoorenu camo ringo gi, akadi mulo kom gi kame kito.

Jolebi 11:8

Likame ibinunu camo ringo gi, doko da likame ibinunu mulo kom gi kame kito; gin kibedo ne wu gi me kwer.

Jolebi 4:13

Ka jo dedede me Isirael en odubo i yore me turo cik ka Rwot abongo ngatamoro niang iye, di kiko bedo tie kede raco, do di oudo likame kitimo akaa;

Jolebi 5:17

Ka dano moro odubo i yore me timo gikame cik ka Rubanga likame yei, do di likame etimo akaa, udo etieko timo raco, doko poore eud alola.

Jolebi 5:3

Ka dano omulo gimoro me kom dano, gi me kwer apwoko dano, do di oudo likame emulo akaa, cucuto ka en eko niang iye, udo en etie kede raco.

Jolebi 5:4

Ka dano moro ocore lairo atatai di likame etamo pire, bed bala ilair nono tie pi gikame rac amoto gikame ber, en ebedo tie kede raco cucuto ka en eniang i tim mere nono.

Jolebi 7:21

Doko da ka ngatamoro omulo gimoro me kwer atie i kom dano, amoto le moro me kwer, arabo giacwea moro me kwer, di eko camo ringo me giayala me nywak but Rwot, eda kobino riame tenge kibut jo me Isirael.

Agai 2:13

Di Agai bobo oko penyere be, “Ka ngatamoro oko pwokere pien emulo kom dano oto, ka en eko mulo jamini nogi, benyo, gida kidoko jamini kopwokere?” Josaseredoti oko gamo be, “Ebo, gin kidoko jamini kopwokere.”

Wel 19:22

Gimoroni kenekene kame ngat kopwokere mulo bino pwokere, doko ngatamoroni kame mulo dano nono bino bedo di epwokere tuno ceng donyo.

Luka 11:44

Itienu i can! Pien icalunu bala atesin kalikame neeno, kame jo beo ki wi gi di likame kingeo.”

2 Jokorinti 6:17

Pi mano, Rwot owaco be, “Yaunu tenge kibut gi, di ikounu pokere kede gi, doko kur imulunu gimoro kalikame cil; di ango ako bino gamo wu.

Iswilia 14:8

Kur icamunu epege da, pien bed bala en abelekek mere okakarun, do en likame enyogao nyamo cam; kibutu en ebedo le kopwokere. Kur icamunu leini nogi arabo imulunu gi ka kito.