Jolebi 5:16 - Baibuli I Leb Kumam 2013

¹⁶ Doko da en eko mino cul kame oudo en ebedo kede ajajalun timo, di doko eko medo i wi cul nono acel i kom kany mere, di eko mino ngasaseredoti. Ngasaseredoti ko bino mino le nono bala giayala me kwanyo raco, pi kwanyo dub kame dano nono otimo, di Rubanga ko sasiro en.

Jolebi 5:16 Iomraidhean Croise

Sabuli 69:4

Jo kame daga nono nono abongo kop moro tot kalamo wel me yer wia; jo kame mito neka tot, gin jokwor na kame cuko na kop. Benyo, mam ango miero nan adwok gi kalikame akwalo?

Yai 22:1

“Ka ngatamoro okwalo diang arabo oromo, di en eko ngole arabo ecate, ngakuwo nono bino culo doke kany pi diang acel, romini ongwon pi oromo acel. En miero ecul wang gi nono, do ka en likame ekaruno, poore cate pi kuwo kame en etimo nono.

Jolebi 22:14

“Ka icuo moro oko camo giayala kacil kame jo omio, di en likame etimo me akaa, en ebino culo wang gikame en ecamo nono di emedo iye acel i kom kany me gi nono, di eko mino but ngasaseredoti.

Jolebi 27:13

Ka komito lake, ngat nono miero cul wel kame ngasaseredoti oudo ongolo, di bobo eko medo iye acel i kom kany me wel nono.

Jolebi 27:15

Ka ngat nono komio ode but Rwot mito lake, en miero ecul wel kame kongolo nono di bobo eko medo iye acel i kom kany me wel mere.

Jolebi 27:27

Ka ebedo le kame iswil gengo bedo giayala but Rwot, wone karuno lake di eculo wel me sente kame kotieko ngolo, kede emedo iye acel i kom kany me wel nono. Ka likame oko lake, kobino cate but dano ace i wel kame kotieko ngolo nono.

Jolebi 27:31

Ka dano moro mito lako acel me tomon me cam mere, en miero ecul wel me sente kame kotieko ngolo di eko medo iye acel i kom kany me wel nono.

Jolebi 4:20

Ebino timo i kom twon nono gikame cal acala bala kame kotimo i kom twon kobedo giayala me kwanyo dub. Iepone noni, ngasaseredoti mio giayala me kwanyo dub kame jo otimo, di Rubanga ko sasiro gi ki dub gi.

Jolebi 4:26

Di do en eko waro kakamio mere dedede di eko wange eduny yiro i wi alutari, bala kame kowango kede kakamio me giayala me nywak. I yore noni, ngasaseredoti bino mino giayala me kwanyo dub me ngapug nono, di Rubanga ko sasiro en.

Jolebi 5:10

Winyo me are mere en ebino mino bala giayala awanga di elubo iswil bala kame mitere. Iepone noni, ngasaseredoti mio giayala me kwanyo dub kame dano otimo, di Rubanga ko sasiro en.

Jolebi 5:13

Iepone noni, ngasaseredoti bino mino giayala me kwanyo dub kame dano nono otimo, di Rubanga ko sasiro en. Bala kame kotimo kede i giayala me alos, alos ace kodong bedo me ka ngasaseredoti.

Jolebi 5:6

Di do pi kwanyo dub kame en etimo, en eko tero but Rwot diel amoto oromo adako bala giayala me kwanyo dub. Di ngasaseredoti ko mino giayala me kwanyo dub ka dano nono.

Jolebi 7:2

Le me giayala me timo cul kopoore ngolo i kakame kongolo iye giayala awanga, di oko kikiro remo mere i kom alutari i bad dedede.

Wel 5:7

en epoore tuco dub mere, di eko timo cul dedede but ngat kame en etimo ne gikarac nono, di bobo eko medo cule etango me acel i kom kany me cul nono.

Wel 5:8

Do ka dano kame kopoore culo nono otieko to, doko da wad gi moro kiyapiyapi kede en kame kopoore mino cul bute likame tie, cul me gikarac nono bino ot but Rwot pi mino josaseredoti. Cul noni tie medo i wi emerekek kame en ekwanyo me ayala pi lwoko dub mere, en ngat kame etie kede raco.

Luka 19:8

Di Sakayo oko yai malo, di eko waco ne Rwot be, “Neningo, Rwot, ango ayaro mino dul me jame na but jocan; doko ka lem oudo arodo gi ka ngatamoro, ayaro cule kame rom kamanono tien ongwon.”

Tice 26:20

Do ako cako tero kop ne jo me Damasiko, di do ako tero ne jo me Yerusalem, tuno kede i piny me Yudea dedede, kede da but jo kalikame Iyudayan. Oudo awaco ne gi be miero kiswilaro di kiko lokere but Rubanga, di kiko cako timo tice kame nyuto be kitieko swilaro.

1 Samuel 6:3

Gin kiko waco negi be, “Ka iyarunu dwoko Sanduku me Isikan ka Rwot kabedo mere, kur idwokenu abongo gimoro, do dwokenu kede giamia me kwanyo dub. Manoni bino mino icangunu di ikounu ngeno gikame omio en ebedo mino wu alola.”