Jolebi 5:11 - Baibuli I Leb Kumam 2013

¹¹ Do ka dano ngacan likame esobolo kwanyo amam are amoto ilukei are, en ebino tero kilo acel me alos kame konungo kiber bala giayala mere me kwanyo dub. Likame ebino keto iye mo me olibeti amoto odok angwe kur, pien manono obedo giayala me kwanyo dub.

Jolebi 5:11 Iomraidhean Croise

Yai 16:18

Do kakame kipimo gi kede awalo, jo kame oudo ocoko akalamo oudo likame tie kede gimoro akalamo, doko da jo koudo ocoko kalikame romo oudo li kede rem moro.

Yai 16:36

Gipim kame oudo kotio kede i kare nono, kame oudo kolwongo be omer, oudo tero pii me lita ot are.

Jolebi 1:14

Ka dano tie mino giayala awanga me winyo, miero winyo nono bed amam amoto eluke.

Jolebi 12:8

Ka en ebedo ngacan likame etwero kwanyo oromo, poore ekwany amam are amoto ilukei are; acel bino bedo giayala awanga kede acel bino bedo giayala me kwanyo dub; di ngasaseredoti ko timo pwola me kwanyo pwokere mere di en eko bino doko dano kolonyere.

Jolebi 14:21

Do ka en ebedo ngacan likame etwero kwanyo gigo dedede, en ebino kelo emerekek acel bala giayala me timo cul kame kobino kiarao, kilo acel kenekene me alos kame konyongo kede mo me olibeti pi bedo giayala me alos, kede mo anoko dul lita.

Jolebi 27:8

“Ka dano moro kame oudo okwongere but Rwot can odio omio likame ekaruno culo wel nogi, en ebino tero i nyim ngasaseredoti dano nono kame oudo en ekwongere pi mino, di ngasaseredoti ko bino ngolo ne wel kame tie pipiny di lubere kede gikame en ekaruno culo.

Jolebi 5:12

En ebino tere but ngasaseredoti, di ngasaseredoti ko juko alos nono i cinge pong, di eko wange i wi alutari di yiro mere ko duny. Dul atitidi nono nyuto be akadi kodong da kotieko yalo but Rwot. Manoni obedo giayala me kwanyo dub.

Jolebi 5:6

Di do pi kwanyo dub kame en etimo, en eko tero but Rwot diel amoto oromo adako bala giayala me kwanyo dub. Di ngasaseredoti ko mino giayala me kwanyo dub ka dano nono.

Jolebi 5:9

Ebino kikiro remo mogo me giayala me kwanyo dub i kom alutari. Do remo apat en ebino biino piny i dud alutari. Manono obedo giayala me kwanyo dub.

Jolebi 6:20

amako wiro dano me ekeko ka Aaron pi doko ngasaseredoti kaman: i ceng me wire doko ngasaseredoti, en ebino mino giayala me kilo acel me alos but Rwot (kame rom aroma kede giayala me alos kame koyalo ceng dedede), ebino yalo dul mere odiko di bobo eko yalo dul mere otieno.

Wel 5:15

i kom kope are nogi dedede, icuo poore tero dako mere nono but ngasaseredoti. En epoore da tero giayala me kilo acel me alos me mawele, do likame ebino nyalo iye mo me olibeti arabo odok adunya angwe kur, piento en ebedo giayala kowok kibut icuo atie kede potocuny i kom dako mere; kotime pi nyuto gi dedede kakaler.

Luka 2:24

di gida kiko mino giayala bala kite kame oudo iswil ka Rwot waco kede be, “Amam are arabo ilukei atitino are.”

2 Jokorinti 5:21

Rubanga omio Kirisito ngat kame oudo li kede dub onywako dub wa pirwa, tetekeny odokunu jo kopoore i nyim Rubanga pi Kirisito.

Iburanian 9:22

Ateteni, bala kame Iswil mito, jame dedede kolonyo kede remo, doko sasiro dub likame timere abongo ony me remo.