Jolebi 4:7 - Baibuli I Leb Kumam 2013

⁷ En eko bino keto remo mogo i iswonge me isondana me alutari me wango odok angwe kur, kame tie kanono i yi Eema me ariamakin kede Rwot. Remo apat mere en ebino onyo piny i dud alutari me wango giayala, kame tie i nget ekeko me Eema me ariamakin kede Rwot.

Jolebi 4:7 Iomraidhean Croise

Sabuli 118:27

Rwot en Rubanga; en etieko timo ne wa bero. Makunu jange me yen i cingu ikounu cako ebaga, di ikounu ot i esirit rimaro alutari.

Yai 29:12

Ibino gwelo remo mogo me twon nono kede lweti di iko keto i iswonge me alutari, do remo lung kame odong in iko bino onyo piny i dud alutari.

Jolebi 1:5

En ebino ngolo twon nono kanono i nyim Rwot, di awobe ka Aaron, kobedo josaseredoti, ko kikiro remo mere i kom alutari i bad dedede, alutari kame tie i ekeko me Eema me ariamakin kede Rwot.

Jolebi 16:18

en ebino do donyo ooko i alutari me wango giayala di eko lonye. En ebino tero remo mogo me twon kede me diel di eko keto i iswongen dedede me alutari.

Jolebi 4:18

En eko bino keto remo mogo i iswonge me isondana me alutari me wango odok angwe kur, kame tie kanono i yi Eema me ariamakin kede Rwot. Remo apat mere en ebino onyo piny i dud alutari me wango giayala, kame tie i nget ekeko me Eema me riamo kede Rwot.

Jolebi 4:25

Ngasaseredoti bino gwelo remo me ekoroi nono di eko kikiro en i iswonge me isondana me alutari, di eko onyo remo ace kodong piny i dud alutari me giayala awanga.

Jolebi 4:30

Ngasaseredoti ko bino gwelo remo me diel nono di eko kikiro en i iswonge me isondana me alutari, di eko onyo remo ace kodong piny i dud alutari.

Jolebi 4:34

Ngasaseredoti ko bino gwelo remo me giayala me kwanyo dub nono di eko kikiro en i iswonge me isondana me alutari me wango giayala, di eko onyo remo ace kodong piny i dud alutari.

Jolebi 5:9

Ebino kikiro remo mogo me giayala me kwanyo dub i kom alutari. Do remo apat en ebino biino piny i dud alutari. Manono obedo giayala me kwanyo dub.

Jolebi 6:30

Do ka kotero remo me le nono i yi Eema me ariamakin kede Rwot pi timo pwola me kwanyo dub, likame kopoore camo ringo mere; kobino wange awanga kede mac.

Jolebi 8:15

Oko neke di Musa oko kwanyo remo mogo, eko rwako iye lwete di eko kikiro en i iswonge me isondana me alutari, pi kwere but Rwot. Di do eko onyo remo apat kodong piny i dud alutari pi kwere but Rwot kede pi lonye.

Jolebi 9:9

Awobe ka Aaron oko mine remo, di en eko gwelo remo nono kede lwete di eko kikiro en i iswonge me alutari, di eko onyo remo apat piny i dud alutari.

Joepeso 2:13

Do nan i Kirisito Yesu, wun jo kame oudo ngoce iborunu kede Rubanga, remo ka Kirisito nan otieko mino wu idokunu iyapiyapi kede en.

Iburanian 9:15

Pi mano, en ebedo ngat kame rucakino Rubanga kede jo i isikan kanyen, tetekeny jo kame Rubanga olwongo ud winyo kame bedo nakanaka kame en ecikere pi mino. Man twerere pien to otieko timere kame lako jo ki turo iswil kame oudo kitimo i kare me isikan kacon.

Iburanian 9:21

Iepone acel nono da, en eko kikiro remo i kom taberenakol kede i kom jame dedede kame kotio kede i woro Rubanga.

Gianyuta 6:9

Kakame eyabo kede amwon me kany mere, ako neno tipere me jo kame oudo koneko pi kop ka Rubanga, kede pi ijura kame oudo gin kimio, di kitie i dud alutari.