Jolebi 4:4 - Baibuli I Leb Kumam 2013

⁴ En ebino tero twon i nyim Rwot, i ekeko me Eema me ariamakin kede Rwot, di en eko cibo cinge i wi twon nono, di eko ngole i nyim Rwot.

Jolebi 4:4 Iomraidhean Croise

2 Iyutun 29:23

Di do kiko kwanyo ikoroi me giayala me kwanyo dub di kiko tero but abaka kede jo kocokere dedede; gin kiko dokakino cing gi i wi gi.

Isaya 53:6

Wan dedede ocalunu bala romini kame oudo orwenyo, ngat acelacel oudo tie ot tunge kene. Do Rwot oko keto i kome can me dub wan dedede.

Danieri 9:26

Ingei ajikini me kare nono kobino neko ngatel kame Rubanga oyero abongo tien kop moro. Di isirikalen me ngapug atie bino ko bino dudubo bomba kede tempulo. Ajikini bino bino bala pii me alele, di ekelo yi. Rubanga omoko be dudubo.

Jolebi 16:21

En ebino dokakino cinge are dedede i wi diel akuo nono, di eko tuco gikareco dedede me jo me Isirael, jemo gi, kede dub gi; en ebino keto gi i wi diel nono di eko cwane eoto tenge i wi tim di dano kame koyero en kame tere.

Jolebi 4:15

Joadongo me ekodet ko cibo cing gi i wi twon nono i nyim Rwot, di oko ngolo twon nono kanono i nyim Rwot.

Jolebi 4:29

En ebino cibo cinge i wi diel adako nono di eko ngole i kakame kongolo iye giayala awanga. Manoni en giayala me kwanyo dub.

Jolebi 8:14

Di Musa oko kelo twon kobedo giayala me kwanyo dub, di Aaron kede awobe mege oko cibo cing gi i wie.

Wel 8:12

Jolebi ko bino cibo cing gi i wi twonin. Twon acel bino bedo giayala me kwanyo dub, kede ocelu ko bedo giayala awanga, pi timo pwola me lonyo Jolebi.

1 Petero 3:18

Pien Kirisito da bin oneno can pi dub tien acel pi kare lung, ngat kopoore oneno can pi jo kalikame opoore, me wek ekel wa but Rubanga. En bin koneko kome do oko mine ebedo kuo i tipo.