Jolebi 4:34 - Baibuli I Leb Kumam 2013

³⁴ Ngasaseredoti ko bino gwelo remo me giayala me kwanyo dub nono di eko kikiro en i iswonge me isondana me alutari me wango giayala, di eko onyo remo ace kodong piny i dud alutari.

Jolebi 4:34 Iomraidhean Croise

Isaya 42:21

Rwot pi poore mere, oudo cunye obedo yom, pi mino iswilia mege dwongo di kiko bedo gikame ber twatwal.

Jolebi 4:18

En eko bino keto remo mogo i iswonge me isondana me alutari me wango odok angwe kur, kame tie kanono i yi Eema me ariamakin kede Rwot. Remo apat mere en ebino onyo piny i dud alutari me wango giayala, kame tie i nget ekeko me Eema me riamo kede Rwot.

Jolebi 4:25

Ngasaseredoti bino gwelo remo me ekoroi nono di eko kikiro en i iswonge me isondana me alutari, di eko onyo remo ace kodong piny i dud alutari me giayala awanga.

Jolebi 4:30

Ngasaseredoti ko bino gwelo remo me diel nono di eko kikiro en i iswonge me isondana me alutari, di eko onyo remo ace kodong piny i dud alutari.

Jolebi 4:7

En eko bino keto remo mogo i iswonge me isondana me alutari me wango odok angwe kur, kame tie kanono i yi Eema me ariamakin kede Rwot. Remo apat mere en ebino onyo piny i dud alutari me wango giayala, kame tie i nget ekeko me Eema me ariamakin kede Rwot.

Yokana 17:19

Ango amio kuo na buti pirgin, me wek gida kimi kuo gi buti i ateni.

Joroma 10:4

Pien bino ka Kirisito omio Iswil ojik, tetekeny jo dedede kame yei en bed jo kopoore.

Joroma 8:1

Pi mano, nan do likame kobino ngolo kop i wi jo kame tie i Kirisito Yesu.

Joroma 8:3

Rubanga otieko timo gikame oudo Iswil likame twero timo, pien kite me kuo me anywali otieko mine edoko goro. En eoro Wode kikokome pi bino i cal me kuo me kom kame opong kede dub, di en eko ngolo kop me raco i wi dub.

2 Jokorinti 5:21

Rubanga omio Kirisito ngat kame oudo li kede dub onywako dub wa pirwa, tetekeny odokunu jo kopoore i nyim Rubanga pi Kirisito.

Iburanian 10:29

Iparunu be ngat kame cao Wot ka Rubanga, kede kame pwoko remo me isikan kame kolonye kede, doko kame yeto Tipo me kisa, alola mere bino do bedo dwong benyo?

Iburanian 2:10

Pien oudo etie gikame opoore pi Rubanga, ngat kame ocweo jame dedede, kede kame jame dedede tie pire, pi mino ngat kame ocako alako beno i can me to, kame oko mine edoko ngat kame oudo epoore bedo. Rubanga otimo kaman tetekeny emi jo atot nywak deyo mere.

1 Petero 2:24

En eyeo dub wa i kome i wi musalaba, tetekeny wan ojikunu dubo di okounu bedo kede kuo kopoore. Itiekunu cango pi aporeso mege.

1 Petero 3:18

Pien Kirisito da bin oneno can pi dub tien acel pi kare lung, ngat kopoore oneno can pi jo kalikame opoore, me wek ekel wa but Rubanga. En bin koneko kome do oko mine ebedo kuo i tipo.