Jolebi 4:19 - Baibuli I Leb Kumam 2013

¹⁹ Di do eko waro kakamio mere dedede di eko wange eduny yiro i wi alutari.

Jolebi 4:19 Iomraidhean Croise

Sabuli 22:14

Teko na tie tiek bala pii kame kotie onyo. Cogere na otieko gwegwetun ki kariamo gi; cunya do cal bala odok kame ocalar i kora.

Jolebi 12:8

Ka en ebedo ngacan likame etwero kwanyo oromo, poore ekwany amam are amoto ilukei are; acel bino bedo giayala awanga kede acel bino bedo giayala me kwanyo dub; di ngasaseredoti ko timo pwola me kwanyo pwokere mere di en eko bino doko dano kolonyere.

Jolebi 14:18

Mo apat kodong i yi cing ngasaseredoti en ebino keto i wi dano kame kotie lonyo nono. Epone noni en kame ngasaseredoti bino timo kede pwola me lonyere.

Jolebi 4:26

Di do en eko waro kakamio mere dedede di eko wange eduny yiro i wi alutari, bala kame kowango kede kakamio me giayala me nywak. I yore noni, ngasaseredoti bino mino giayala me kwanyo dub me ngapug nono, di Rubanga ko sasiro en.

Jolebi 4:31

Di do en eko waro kakamio mere dedede, bala kame kokwanyo kede kakamio me giayala me nywak, di ngasaseredoti ko wange eduny yiro i wi alutari, di ngwece mere ko yomo cuny Rwot. I yore noni, ngasaseredoti bino mino giayala me kwanyo dub me dano nono, di Rubanga ko sasiro en.

Jolebi 4:35

Di do en eko waro kakamio mere dedede, bala kame kokwanyo kede kakamio me oromo kobedo giayala me nywak, di ngasaseredoti ko wange eduny yiro i wi alutari, di ngwece mere ko yomo cuny Rwot. Iepone noni, ngasaseredoti bino mino giayala me kwanyo dub me dano nono, di Rubanga ko sasiro en.

Jolebi 5:6

Di do pi kwanyo dub kame en etimo, en eko tero but Rwot diel amoto oromo adako bala giayala me kwanyo dub. Di ngasaseredoti ko mino giayala me kwanyo dub ka dano nono.

Jolebi 6:7

Ngasaseredoti ko bino mino giayala me kwanyo dub kame dano nono otimo, di Rubanga ko sasiro en.

Wel 15:25

Ngasaseredoti bino timo pwola me lonyo jo dedede me Isirael di ango ako bino sasiro gi. Pi kite kame gin likame kitimo kede gikarac nono akaa, doko kiko kelo na giayala gi, giayala gi awanga kede giayala gi me kwanyo dub pi gikarac kame gin kitimo,

Iburanian 1:3

En kame enyuto deyo ka Rubanga, doko da en kame ebedo cal me kuo ka Rubanga kikokome. Kop mere kame tie kede twer en kame mio gi dedede bedo tie iepone kame nataman kitie kede. Kakame etieko lonyo kede jo ki dub, en eko bedo i bad tetu cam ka Rubanga won Twer Adwong.

Iburanian 9:14

remo ka Kirisito do bino lonyo cunyu ki tice kame kony gi li kalamo mano tien adi, tetekeny itimunu tic ne Rubanga kakuo, en ngat kame etieko mino kuo mere but Rubanga abongo pwokere moro pi Tipo kame bedo nakanaka!