Jolebi 4:12 - Baibuli I Leb Kumam 2013

¹² jamini ace dedede me kom twon nono en ebino mino kotero kabedo kalikame opwokere kame tie ooko me kimere, i oduru me buru, di en eko wango gi kunono kede mac kame komoko.

Jolebi 4:12 Iomraidhean Croise

Yai 29:14

Do ibino wango ringo me twon, lau mere, kede amontena mege tenge me kimere. Manono bino bedo giamia kame kwanyo tenge dub me josaseredoti.

Esekeri 43:21

Ibino kwanyo twon nono kobedo giayala me kwanyo dub di iko wango kome kabedo kame koiko i kakame tempulo cungo iye, do i ooko me kakacil koluke.

Jolebi 13:46

En ebino dong di epwokere nakanaka tek di pwodi en etie kede tuwo nono, doko da epoore bedo tenge me kimere, epoore bedo kene.

Jolebi 16:27

Twon kede diel kame oudo kotimo kede pwola me kwanyo dub, kame remo gi oudo kotero Kabedo Kacil Kalamo pi kwanyo dub, kobino tero gi tenge me kimere di oko wango gi; lau me kom gi, ringo gi kiton amontena kobino wango dedede.

Jolebi 4:21

Di do en eko bino tero twon nono tenge me kimere di eko wange, bala kame ewango kede twon kame en eyalo pi dub mere; manono obedo giayala pi dub me jo.

Jolebi 6:23

Giayala me alos kame ngasaseredoti mio kopoore wango dedede, likame kopoore poko kiye moro me acama.

Jolebi 6:30

Do ka kotero remo me le nono i yi Eema me ariamakin kede Rwot pi timo pwola me kwanyo dub, likame kopoore camo ringo mere; kobino wange awanga kede mac.

Jolebi 6:4

Ka dano odubo i yore nogi, di en eko ngeno dub mere, poore ecul gikame oudo en eudo i yore arac nono, arabo gikame en elairo ilair me abe i kome nono; miero en ecul gi nono di doko eko medo acel i kom kany me gi nono i wi cul nono. Epoore mino cul nono but won gi nono.

Jolebi 8:17

Di eko kwanyo kakodong me twon, kame ribo lau mere, ringo kede we mere, di eko ot wango gi tenge me kimere, bala kame Rwot oudo ociko.

Jolebi 9:11

Do ringo kodong kede lau en eko ot wango gi tenge me kimere.

Wel 15:35

Do Rwot oko waco ne Musa be, “Kopoore neko icuo no; jo dedede poore ot didipo en kede kide paka to tenge me kimere.”

Wel 19:3

Aaron kede Musa bino mino atakit nono but Eleasar ngasaseredoti, di do oko tere ooko me kimere oko ngole di Eleasar neno.

Wel 19:5

Di do oko wango atakit nono lung di Eleasar neno; kobino wango kiton lau mere, ringo, remo, kede jamini me yie.

Wel 5:3

Poore riamo jonogi dedede ki kimere, cuo kede mon, tetekeny kur kipwok kimere, en kakame ango abedo iye i diere me jo na.”

Iburanian 13:11

Pien kom leini kame Ngatel Josaseredoti kelo remo gi Kabedo Kacil bala giayala pi dub, kowango gi ki tenge me kakame jo bedo iye.