Jolebi 26:9 - Baibuli I Leb Kumam 2013

⁹ Ango abino timo ne wu bero di ako mino wu inywalunu idwe atot di ikounu nyai; doko abino cobo cikere na butu.

Jolebi 26:9 Iomraidhean Croise

Ageini 1:28

Rubanga oko lamo negi winyo, di eko waco negi be, “Nywalunu ikounu nyai, di ikounu pongo lobo, ipugenu da; bedunu kede loc i kom deknam kede i kom winy me wi yamo, kede i kom giakuo dedede kame twero ot i wi lobo.

Ageini 17:20

I kom kop kame mako Isimael, ango atieko winyo kwac ni; ango abino mine winyo doko abino mine enywal di ikwae mege ko bedo tot twatwal; ebino nywalo jopug tomon kiwie are, doko ango abino mino ateker adwong wok kibute.

Ageini 22:17

ango ateteni abino mini winyo. Abino mino ikwae ni bedo tot bala acer me malo kede asinge me dog nam. Gin kibino bwono jokwor gi di kiko mano bomban gi.

Ageini 26:4

Abino mino ikwae ni bedo tot bala acer kame tie malo, di ango ako bino mino gi lobo noni dedede. Atekerin dedede me wi lobo bino udo winyo pi ikwae ni,

Ageini 28:14

Ikwae ni bino bedo tot bala asinge kame tie i wi lobo. Gin kibino nyai kiko sarakin dok tetu tim, tetu kide, tetu malo kede tetu piny; doko jo dedede me wi lobo bino udo winyo pi in kede pi ikwae ni.

Ageini 28:3

Akwao Rubanga Won Twer emi winyo iko nywal iko nyai, tetekeny idokunu twon jo atot.

Ageini 48:4

di ewaco be, ‘Ango abino mini inywalo idwe atot di iko nyai. Abino mino ekodet me jo wok kibuti, doko abino mino lobo noni but ikwae ni me kare me anyim, me bedo mergi atwal.’

Ageini 6:18

Do ango abino timo isikan na kede in, di wun ikounu bino donyo i yi yee, in, awobe ni, dako ni kede mon me awobe ni.

1 Abakai 3:8

Ango ngatic ni atie do i diere me jo kame in iyero, twon jo kame tot tot kalikame marere.

2 Abakai 13:23

Do Rwot oudo oko bedo kede kisa i kom gi di eko konyo gi pi isikan mere kame oudo etimo kede Aburaam, Isaka kede Yakobo, di likame eko weko komuducaro gi. En likame pwodi eweko gi akadi tuno tin.

Nekemia 2:20

Ango ako dwoko be, “Rubanga atie i malo en kame bino mino wan ocobo tic. Wan jotic mege oyaro cako gedo. Do wun iliunu kede iner moro i kom jamini me Yerusalem kede i kom kope kobedo timere iye cako anakacia.”

Nekemia 9:23

In bin imio ikwae gi onyai di kiko doko tot bala acerin kame tie malo i edou, di in iko tero gi i lobo kame bin in icikere iye pi mino joakwari gi.

Sabuli 107:38

Wel gi oko nyai pien Rwot omio gi winyo, doko likame eko yei ne wel me doke gi dwogo piny.

Sabuli 89:3

In bin iwaco be, “Ango atieko sikano kede dano na kame ayero, ango atieko lairo but epasoit na Daudi be,

Yai 1:7

Do ikwae gi, gin jo me Isirael, oudo nywal twatwal; gin kiko nyai di kiko doko tek, omio kiko pongo lobo me Misiri.

Yai 2:25

Rubanga oneno peko me jo me Isirael di eko paro pirgi.

Yai 6:4

Doko da ango ako timo kede gi isikan, di acikere pi mino gi lobo me Kanan, lobo kame nan kibedo iye bala jokumbor.

Isaya 55:3

“Cikunu yitu di ikounu bino buta; winyunu, tetekeny ibedunu kuo. Ango abino timo kede wu isikan kame bedo nakanaka, isikan me amara na kalikame lokere, kede kame genere, kame bin amio Daudi.

Yeremia 23:3

Di do ango kikoma ako coko donge me romini na ki lobere kame ango asarakino gi iye, di ako dwoko gi i anok gi, di gin kiko bino nywal di kiko nyai.

Yeremia 23:4

Ango abino keto negi jokwat kame bino gwoko gi di likame bobo kiko bedo kede lworo amoto mielkom; doko da likame tie moro kame bino rwenyo; ango Rwot en awaco.”

Yeremia 33:3

“Lwongere buta di ango ako bino gamo dogi, di ako bino tatamo ni kope adongodongo komungere, kalikame in pwodi ingeo.

Esekeri 16:62

Ango abino moko isikan na kedi, di in iko bino ngeno be ango en Rwot.

Esekeri 36:9

Ango atie i bad nin; ango abino lokere buti, di oko bino puri di oko pito kodere.

Jolebi 26:15

kede ka idagunu lubo iswilia na di ikounu turo isikan na kede wu,

Luka 1:72

Pi mano, en enyuto cuny me kisa kame bin komio cikere mere but joakwari wa, kede etieko yutuno isikan mere kacil,

Iswilia 28:11

Rwot bino mino wu idwe atot, ebino mino leini wu nyai, ebino mino wu amio i lobo kame en bin ecikere but joakwari wu pi mino wu.

Iswilia 28:4

“Rwot bino mino wu winyo me nywalo idwe atot, me udo amio, kede me nyai me doke kede romini wu.

Iswilia 7:13

En ebino maro wu di eko mino wu winyo di eko medo wel wu. En ebino mino idwe kame wun inywalunu winyo, doko ebino mino winyo i cam kame wun ipurunu, engano wu kede bwini kede mo me olibeti wu; en ebino mino wu winyo di doke wu ko nywal kidoko tot kede romini kede diegi wu da kamanono, i lobo kame en bin ekwongere pire but joakwari wu be ebino mino wun.

Iburanian 8:9

Likame ebino bedo cal bala isikan kame bin atimo kede joakwari gi, i ceng kame ango oudo amako kede cing gi di ako telo gi wok ki piny me Misiri. Gin bin likame kiko bedo jo kame genere i gwoko isikan kame ango atimo kede gi nono, omio ango likame ako paro pirgi.