Jolebi 26:6 - Baibuli I Leb Kumam 2013

⁶ “Abino mino anapakin bedo tie i lobo wu; ibinunu ot buto abongo gimoro kame ilworunu. Ango abino kwanyo tenge ki lobo wu leini ager, doko yi moro likame bino bedo tie.

Jolebi 26:6 Iomraidhean Croise

2 Abakai 2:24

En eko lokere di eko donyo ngino gi di eko lamo gi i nying Rwot. Di idubun amon are oko wok ki abum di kiko nyinyilo awobe ot ongwon kiwie are kikom gi.

1 Iyutun 22:9

En eko cikere buta be, ‘Neningo, in ibino nywalo atin awobi kame bino pug kede mulem, pien ango abino mine eudo anapakin kede jokwor mege dedede. Nyinge bino bedo Sulumani, pien i kare me apugan mere ango abino mino jo Isirael mulem kede anapakin.

2 Iyutun 20:30

Di ajakanut ka Yekosapat oko bedo kede anapakin, pien Rubanga mere oudo omie wei ki bad dedede.

Yobu 11:19

In ibino ot buto di likame ngatamoro ko mini lworo; jo atot bino mito bero moro kibuti.

Yobu 5:23

Pien poto kame in ibino puro likame bino bedo tie kede kide, doko da leini ager me obar likame bino suri.

Sabuli 144:14

Mi doke wa gari. Mi kur kotuturo apama me bomba, kur ooti itasun i piny apat, doko kur koko moro me can winyere i gudo me bomba wa.

Sabuli 147:14

En kame egwoko mulem i ikor ni; en epiti di iko yeng kede engano kame konungo kiber.

Sabuli 29:11

Akwao Rwot mi jo mege teko! Akwao Rwot mi jo mege winyo me bedo kede anapakin.

Sabuli 3:5

Ango abuto ako nino, doko ako cei pien Rwot gwoka.

Sabuli 4:8

Ango abino buto di ako nino kede anapakin; pien in keni Rwot en kame igwoka kiber.

Sabuli 85:8

Wek kong awiny gikame Rwot Rubanga bino waco, piento en ebino waco kop me mulem but jo mege, gin jo mege agene, ka gin likame bobo kidok i tim gi me mingomingo.

Yai 23:29

Likame abino riamo gi tenge i mwaka acel, pien ka atimo kamanono, lobo bino dong nono di leini me obar ko doko tot tot kalikame wun itwerunu.

Agole 3:24

Ka ibedo piny wei, lworo likame bino maki; ka ibuto, ibino nino lejeleje.

Agole 6:22

Kame in itie ot, gin kibino nyuto ni yongayo; kame in itie buto, gin kibino gwoki; doko da kame in icei, gin kibino yamo kedi.

Isaya 35:8

Yongayo adwong bino bedo kunono, yongayo kame kolwongo be, “Yongayo Kacil”. Likame tie ngadubo moro kame bino lubo yongayo nono; en ebino bedo me jo ka Rubanga. Likame tie ngatamoro, akadi ngamingo, kame bino rwenyo yongayo nono.

Isaya 35:9

Engu moro likame bino bedo tie kunono, akadi le moro ager likame bino tuno iye; likame kibino bedo tie kunono, do jo kame Rwot olako kenekene en kame bino lubo yongayo nono.

Isaya 45:7

Ango atimo lero, doko acweo colpiny, akelo mulem, doko akelo da gikarac; ango Rwot en kame atimo gi nogi dedede.

Isaya 9:7

Akarinikin mere me pug bino meede ameda dongo; anapakin me nakanaka bino bedo tie i ajakanut mere. En ebino lunyo kom me ajakanut ka Daudi, di eko mino ajakanut nono cungo di etek i yore me pug kede ateni kede i yore kopoore, cako nataman i kare noni tuno i kare me ajikini. Mit kame Rwot me jo yi tie kede pi timo kamanoni bino mino ecobere.

Yeremia 30:10

“Do wun jo na, kur ibedunu kede lworo moro; doko kur cuny wu poti, Okwe wun jo na me Isirael. Ango ayaro lako wun kede idwe wu ki lobo kame tie kakabor nono, lobo kame itienu iye mabus. Wun ibinunu dwogo paco di ikounu bedo mot kede anapakin, doko likame tie ngatamoro kame bino mino wu lworo.

Yeremia 31:26

Manono bino mino jo waco be, ‘Ango ako cei ki wang nino di ako neno be nino na oudo obedo ber na twatwal.’

Esekeri 14:15

“Arabo ka koto ango acwao leini ager i piny moro pi neneko jo, tetekeny piny nono dong nono abongo jo, di likame tie dano moro kame karuno beo iye da pi leini nogo,

Esekeri 14:17

“Arabo ka ango koto ako cwano yi i piny nono di ako mino koneko jo kede leini pitipit iye;

Esekeri 14:21

Rwot Rubanga tie waco be, “Ebino bedo rac benyo ka ango acwao i kom jo me Yerusalem alola na ongwon areco, gin en yi, kec, leini ager, kede aumpuli, pi neneko jo kede leini kiye!

Esekeri 34:25

Ango abino timo kede gin isikan me mulem, di ako riamo tenge leini ager ki lobo nono, tetekeny kikaruno bedo i itela kede buto i abum abongo gimoro timo gi.

Esekeri 34:27

Yen bino nyak, poti bino ceko cam, doko dano acelacel ko bino bedo i lobo mere amake abongo lworo moro. Ango abino lako gi ki cing jo komio gi kibedo ipasoi, di gin kiko bino ngeno be ango en Rwot.

Esekeri 5:17

Abino cwano kec kede leini ager i komi, di gin kiko neneko idwe ni. Tuo me aumpuli kede nek bino beo i komi, doko abino kelo yi i komi. Ango Rwot atieko waco.”

Kosea 2:18

I kare nono ango abino timo isikan kede leini me obar, winy kame por i malo, kede jamini kame liao alia i piny, tetekeny gin likame kibino timo ne jo na gimoro arac. Ango abino kwanyo tenge ki lobo jamini dedede me yi, di ako mino jo na bedo kede mulem kede anapakin.

Kosea 2:20

Ango abino bedo kede genere di ako teri ibedo dako na, di in iko bino ngena bala Rwot.

Jolebi 25:18

Ibinunu lubo iswilia na di ikounu timo gi dedede kame ango aciko, tetekeny ibedunu i lobo nono abongo peko moro.

Jolebi 25:19

Lobo bino ceko cam, di wun ikounu bedo tie kede cam dedede kame imitunu di ikounu bedo iye abongo peko moro.

Jolebi 26:22

Ango abino cwano ne wu leini ager, di gin kiko bino neneko idwe wu, muducaro leini wu, di kiko mino idongunu jo anonok kame bino mino yote wu dong nono abongo jo kame lubo gi.

Jolebi 26:25

Abino mino wu alola me yi pi turo isikan na kede wu, doko ka ikounu ringo ot gwokere i bomban wu, abino cwano ne wu aumpuli, di manono ko bino mino irieunu cingu but jokwor.

Jolebi 26:7

Ibinunu bwono jokwor wu di ikounu neneko gi.

Mika 4:4

Ngat acelacel bino bedo kede anapakin di ebedo i dud olok kede i dud yen epigi mege, di likame tie ngatamoro kame mie lworo. Manoni Rwot me jo yi en owaco.

Sepania 3:13

Jo Isirael kame bino dong kuo likame bino timo gimoro arac, likame kibino waco kop moro me angalo, doko likame kibino tamo ngalo dano moro. Gin kibino cam di kiko buto wei abongo ngatamoro mino gi lworo.”

Agai 2:9

Tempulo kanyen bino bedo cil kalamo tempulo kacon. Ango abino kelo mulem kabedo noni. Ango Rwot me jo yi en awaco.”

Sakaria 9:10

Rwot waco be, “Ango abino kwanyo tenge cabalan ki Isirael, kede asigiran me yi ki Yerusalem; imalia me yi kobino dudubo. Abaka wu bino kelo anapakin i atekerin; ajakanut mere bino cakere ki nam adwong tuno i nam ocelu adwong, cako ki ecilet me Eupurate tuno i ajikini me wi lobo.”

Yokana 14:27

“Ango atie weko wu kede mulem, amio wu mulem na, likame bala kite kame piny mio kede. Cunyu kur poti, doko kur ibedunu kede lworo.

Tice 12:6

Iwor kame ru ceng kame Erode oudo oyaro do woto kede Petero pi pide i nyim jo, Petero oudo tie nino i diere me isirikalen are di kotwee kede irikoi are, doko di isirikalen ace are da tie daro ekeko me dog erute me otkol.

Joroma 5:1

Pi mano, bala kite kame otiekunu doko kede jo kopoore pi yei, otienu do kede anapakin kede Rubanga pi Rwot wa Yesu Kirisito.