Jolebi 26:5 - Baibuli I Leb Kumam 2013

⁵ Ibinunu bedo kede amio, di ikounu bino bedo kede canyo tuno i kare me ngwedo olok, doko ibinunu ngwedo olok tuno i kare me cuno kodi. Ibinunu bedo tie kede cam dedede kame imitunu, di ikounu bedo abongo peko moro.

Jolebi 26:5 Iomraidhean Croise

Sabuli 144:13

Mi dere wa pong kede kodere me epone dedede; mi romini wa nywal kimeede kidok tutumian kede tutumian.

Sabuli 90:1

Rwot in en kabedo wan i kare dedede.

Yai 16:8

Musa oko waco be, “Rwot en kame bino mino wu ringo me acama otieno kede mugati kame romo wu odiko, piento en etieko winyo ingungur kame itienu kede i kome. Pien kame wun itienu kede ingungur moro i kom wan, udo itienu kede ingungur i kom Rwot.”

Agole 1:33

do jo kame yei lubo kope nango bino bedo abongo peko moro. Kibino bedo mulem abongo lworo can moro.”

Agole 18:10

Rwot cal bala gedo abor malo di etek, dano kopoore ringo iye di eko bwot.

Isaya 1:19

Ka iyeunu bedo jo kame lubo kop na, ibinunu camo jamini abeco kame lobo noni ceko.

Isaya 30:23

Kame ipurunu kodere, Rwot bino cwano ne wu kot di kiko bino nyak kitek, doko da doke wu bino bedo tie kede lum atot.

Yeremia 23:6

I kare mere me pug, Yuda bino bedo abongo peko moro, doko da Isirael bino bedo kede anapakin. En kobino lwonge be ‘Rwot Timo ne wa Gikame opoore’.

Kosea 2:18

I kare nono ango abino timo isikan kede leini me obar, winy kame por i malo, kede jamini kame liao alia i piny, tetekeny gin likame kibino timo ne jo na gimoro arac. Ango abino kwanyo tenge ki lobo jamini dedede me yi, di ako mino jo na bedo kede mulem kede anapakin.

Kosea 2:20

Ango abino bedo kede genere di ako teri ibedo dako na, di in iko bino ngena bala Rwot.

Yoweri 2:19

Rwot oko waco ne jo mege be, “Nenunu, ango ayaro mino wu kal, bwini, kede mo, di ikounu bino yeng. Likame bobo abino mino wu ibedunu jo kame kocao i diere me atekerin apat.

Yoweri 2:22

Wun leini, kur ibedunu kede lworo, pien lum tie libaliba; yen da tie nyak, doko epigi kede olok onyak adikinicel.

Yoweri 2:26

“Nataman do ibinunu bedo tie kede cam atot kame ibinunu camo di ikounu yeng. Di do ikounu paka, ango Rwot Rubanga wu, ngat kame otieko timo ne wu jamini me aura. Jo na likame bobo kobino mino lewic mako.

Amosi 9:13

“Kare tie bino,” Rwot en owaco, “kame kare me cuno kodi me engano bino tuno di udo pwodi likame kotieko nyaro ace ki poti; doko da kobino puro olok anyen di eko cek di pwodi likame kotwero tieko bino anyakini me olok me dwete kokato. Bwini awinyiwinyi bino totonun ki wi mori, ebino mol piny ki wi imukuran.

Matayo 23:37

“Okwe in Yerusalem, Yerusalem, in bomba kame neko inabin doko ididipo jo kame Rubanga ooro buti! Tien atot ango oudo amito be koto acoko idwe ni karacel bala kite kame gweno rukumo kede imion mege i bwome, do in iko dagi na!

Tice 14:17

Do akadi kamano da, en likame eko weko jo abongo gikame nyute. Piento en etimo ne wu bero; emio kot ocwei ne wu ki malo, kede kare kame kelo amio; emio wu cam kede yomcuny.”

Iswilia 11:15

kede lum ne doke, diegi kede romini wu. Ibinunu bedo tie kede cam dedede kame imitunu.

1 Temeseo 6:17

Cik jo kame nataman obaro i piny kan kur kitingere, doko kur kiket gen gi i kom abar kalikame genere, do kipoore keto gen gi i kom Rubanga ngat kame mio wa jame dedede kede cunye lung pi kelo ne wa yomcuny.

1 Petero 1:5

wun jo kame Rubanga tie gwoko kede twer mere pi yei wu, tetekeny iudunu alako kame Rubanga otieko iikere pi nyuto i kare me ajikini.