Biblia Todo Logo
Bìoball air-loidhne

- Sanasan -




Jolebi 26:44 - Baibuli I Leb Kumam 2013

44 Do akadi kamanono da, di gin pwodi kitie i lobo me jokwor gi, ango likame abino dagi gin be tetekeny amuducaro gi atwal atwala di ako turo isikan na kede gi; pien ango en Rwot Rubanga gi.

Faic an caibideil Dèan lethbhreac




Jolebi 26:44
20 Iomraidhean Croise  

Ango abino timo isikan na kame bedo nakanaka kedi, karacel kede ikwae ni me kare me anyim, naparo lwak gin lung, pi ango bedo Rubanga ni kede me ikwae ni me kare me anyim.


Do Rwot oudo oko bedo kede kisa i kom gi di eko konyo gi pi isikan mere kame oudo etimo kede Aburaam, Isaka kede Yakobo, di likame eko weko komuducaro gi. En likame pwodi eweko gi akadi tuno tin.


Gin bin kiko dagi lubo cik nin; wi gi owil kede jamini me aura kame bin in itimo i diere gi. Gin kitimo epali di kiko yero ngatel pi dwoko gi ipasun Misiri. Do in ibedo Rubanga kame sasiro jo; in ingakisa doko itie kede amara, likame in isusunyo lilo. In idwong kede amara kalikame lokere; in bin likame iko jalo gi.


Akadi kamanono da, in pi kisa ni adwong, likame iko jalo gi arabo muducaro gi. In ibedo Rubanga kame ngakisa!


Bala kame papa me idwe bedo kede kisa i kom gi, kamanono da kisa mako Rwot i kom jo kame lwore.


do likame abino kwanyo amara na kalikame lokere ki kom Daudi, arabo bedo kede angalo i genere na.


Piento Rwot likame bino weko jo mege atatai; en likame ebino jalo jo kobedo mege.


Pi gwoko nyingi, kur ibed kede acae i kom wa; kur ikel lewic i kabedo me dwongo, kakame in ipugo kiye, kur itur isikan kame itimo kede wa.


“Ango Rwot Rubanga me Isirael awaco kaman: jo me Yuda kame bin ango acwao tenge ki kan ot Babilon, abino tero gi bala anyakini me epigi abeco nogi.


Ango atie kede wu doko abino lako wu. Ango abino muducaro atekerin dedede kame ango asasaro wu i diere gi, do ango likame abino muducaro wun. Ango abino mino wu alola kame poore kede wu, likame abino weko wu aweka abongo mino wu alola moro. Ango Rwot en awaco.”


“Mam Epuraimu obedo woda kame amaro? Mam en atina kame cunya yom i kome? I kare dedede kame ango ayamo kede kop i kome, ango pwodi ayutuno en. Cunya paro pire kitek; ateteni ango abino bedo kede kisa bute. Ango Rwot en awaco.


kamanono da ango likame abino dagi ikwae ka Yakobo kede me ka ngatic na Daudi. Ango abino yero ngat acel kikom ikwae ka Daudi pi bedo ngapug me ikwae ka Aburaam, Isaka, kede Yakobo. Pien ango abino dwoko mulem gi, di ako bedo kede kisa but gi.”


Do ango abino bedo kede wor i kom isikan kame bin ango atimo kedi i kare kame di pwodi in atin, di ako bino moko kedi isikan kame bedo nakanaka.


Ango abino bedo i diere wu, likame abino weko wu.


Likame Rubanga odagi jo mege kame oudo engeo cako sek. Mam ingeunu gikame iwandik kacil waco i kom Elia, kite kame ebako kede doge but Rubanga di edadangun pi jo me Isirael?


di do oko bino lako jo dedede me Isirael, bala kame kowandiko be, “Ngalak bino wok ki Sion; en ebino kwanyo tenge kibut Yakobo tam me dagi woro Rubanga.


Malaika ka Rwot oko yai ki Giligal di eko ot Bokim di eko waco ne jo me Isirael be, “Ango bin akwanyo wu ki Misiri di ako kelo wu i lobo kame bin ango acikere iye but joakwari wu. Ango bin awaco negi be, ‘Ango likame abino turo isikan kame atieko timo kede wu.


Lean sinn:

Sanasan


Sanasan