Jolebi 26:4 - Baibuli I Leb Kumam 2013

⁴ ango abino mino wu kot i kare kame poore, di lobo ko bino ceko cam, kede yen da ko bino nyak.

Jolebi 26:4 Iomraidhean Croise

1 Abakai 17:1

Enabi anyinge Elia dano me Tisibe i lobo me Gilead oko waco ne Akab be, “Akwongo i nying Rwot Rubanga akuo me Isirael ngat kame ango atio ne be, kot amoto toyo likame bino bedo tie i mwakini nogi, tuno di ango awaco be kibed tie.”

Yobu 5:10

En nakanaka emio kot cwei i wi lobo, eko cwano pii i poti;

Sabuli 104:13

In icwao kot ki malo oko cwei i wi mori, di lobo oko pong kede bero kame in imio.

Sabuli 67:6

Lobo otieko mino jo amio mere; Rubanga kame obedo Rubanga wa otieko mino wa winyo.

Sabuli 67:7

Okwao Rubanga pi meede mino wa winyo; miero jo kame tie i wi lobo dedede wore.

Sabuli 68:9

Okwe Rubanga, in bin imio kot ocwei di tot; di iko temuno lobo nin kame oudo otieko ti;

Sabuli 85:12

Rwot bino mino wa gikame ber, di lobo wa ko bino kelo ne wa amio.

Sabuli 85:13

Poore bino telo ne Rwot yongayo di eko iiko ne kabeo.

Isaya 30:23

Kame ipurunu kodere, Rwot bino cwano ne wu kot di kiko bino nyak kitek, doko da doke wu bino bedo tie kede lum atot.

Isaya 5:6

Abino jalo poto nono kony mere doko li. Likame abino lwero olok nogo akadi boko dud gi, di okuto kede ocokocok ko bino umo gi. Doko abino gengo kot da likame cwei i kom gi.”

Yeremia 14:22

Likame tie caljwogi me atekerin apat kame twero cwano kot; doko da likame malo twero mino kot cwei en kene. Rwot mam in en Rubanga wa? Wan oketo gen wa buti, piento in en kame itimo gi nogi dedede.

Esekeri 36:30

Abino mino yen nyak kitek, di poti wu da ko ceko cam atot, tetekeny kur doko lewic me bedo kec kec bed tie ne wu i diere me atekerin.

Yoweri 2:22

Wun leini, kur ibedunu kede lworo, pien lum tie libaliba; yen da tie nyak, doko epigi kede olok onyak adikinicel.

Jolebi 25:19

Lobo bino ceko cam, di wun ikounu bedo tie kede cam dedede kame imitunu di ikounu bedo iye abongo peko moro.

Jolebi 25:21

Ango abino mino winyo na i lobo nono i mwaka me kanyape mere, tetekeny lobo cek cam kame jo romo camo pi mwakini are.

Sakaria 8:12

Gin kibino cuno kodere gi kede mulem; olok gi bino nyak, lobo bino ceko cam, kede kot bino bedo tot. Ango abino mino donge me jo nogi gi nogi dedede.

Matayo 5:45

tetekeny idokunu idwe ka Papa wu kame tie i malo. Piento en emio ceng rieny ne jo kabeco kede jo kareco da, doko en ecwao kot ne jo atimo gikame beco kede jo kame timo gikareco da.

Tice 14:17

Do akadi kamano da, en likame eko weko jo abongo gikame nyute. Piento en etimo ne wu bero; emio kot ocwei ne wu ki malo, kede kare kame kelo amio; emio wu cam kede yomcuny.”

Iswilia 11:13

“Pi mano, lubunu cik kame tin ango atieko mino wu; marunu Rwot Rubanga wu di itimunu ne tic kede cunyu dedede kede kuo wu lung.

Iswilia 11:14

Ka itimunu kamanono, en ebino mino kot cwei i lobo wu i kare kame kot mitere iye, kot me agege kede kot me are, tetekeny ibedunu tie kede cam, bwini kede mo me olibeti,

Iswilia 28:12

Rwot bino yayabo ude kopong kede pie i malo di eko cwano kot i lobo wu i kare kame mitere, di eko mino winyo i gi dedede kame i timunu. Wun ibinunu kopao jame wu but atekerin apat, do likame wun ibinunu kopao kibut ateker moro.

Yakobo 5:7

Imiegu kede amiegu na kame amaro, direnu tuno i dwogo ka Rwot. Nenunu epone kame ngapur daro kede kodi mere kame epito i lobo, kodi kame cunye maro. En edire tuno kede di kot me agege kede kot me cen ocwei iye.

Gianyuta 11:6

Gin kitie kede twer me cego malo, tetekeny kot likame cwei i kare kame gin kimurao kede. Doko gin kitie da kede akarunikin i kom pii, me loke doko remo, kede akarunikin me kelo peko apapat i wi lobo, di kiruruco bala kame cuny gi mito.