Jolebi 26:3 - Baibuli I Leb Kumam 2013

³ “Ka ilubunu iswilia na di ikounu gwoko cik na di ilubunu gi,

Jolebi 26:3 Iomraidhean Croise

Nekemia 1:9

Do ka ilokerenu dwogo buta di ikounu gwoko cik na, ango abino dwoko wu i kabedo kame ango ayero pi jo wora kiye, akadi bed bala oudo isasarunu kakabor.’

Yai 23:25

Ibinunu wora, ango Rwot Rubanga wu, di ango ako bino mino winyo i kom cam wu kede pii wu; doko ako bino mino ibedunu abongo tuwo moro.

Isaya 1:19

Ka iyeunu bedo jo kame lubo kop na, ibinunu camo jamini abeco kame lobo noni ceko.

Isaya 30:23

Kame ipurunu kodere, Rwot bino cwano ne wu kot di kiko bino nyak kitek, doko da doke wu bino bedo tie kede lum atot.

Yeremia 11:4

En ebedo isikan kame bin ango atimo kede joakwari gi i kare kame akwanyo gi kede ki Misiri, lobo kame oudo cal negi bala epipa kodop me twako nyonyo. Oudo ango awaco negi pi winyo kop na di kiko timo gi dedede kame ango aciko negi. Awaco negi be kame gin kilubo kop na, gin kibino bedo jo na di ango ako bedo Rubanga gi.

Jolebi 19:25

Do i mwaka me kany mere wun do ikounu karuno camo anyakini me yen nogo. Ka itimunu kamano, yen wu bino nyak twatwal. Ango en Rwot Rubanga wu.

Sakaria 8:12

Gin kibino cuno kodere gi kede mulem; olok gi bino nyak, lobo bino ceko cam, kede kot bino bedo tot. Ango abino mino donge me jo nogi gi nogi dedede.

Malaki 3:10

Kelunu acel me tomon wu dedede i tempulo, tetekeny cam bed tie i oda. Tamanu, di ikounu bino neno ka ango likame ako yabo ne wu dirisan me malo, di ako bwoto ne wu winyo kame tot lamar.

Iswilia 7:12

“Ka wun ikounu winyo cik nogi di ikounu keto cunyu lubo gi, Rwot Rubanga wu bino meede kede cobo isikan mere karacel kede amara mere kalikame lokere, bala kame bin en ekwongere kede but joakwari wu.

Gianyuta 22:14

Kitie kede winyo jo kame lwoko ikanson gi di cil tetekeny kibed kede twero me camo anyakini me yat me kuo, kede me donyo i bomba di kibeo kiye irutei.