Jolebi 26:16 - Baibuli I Leb Kumam 2013

¹⁶ ango abino timo ne wu kaman: abino kelo peko i komu; abino kelo ne wu tuwo kalikame cango kede kame dubo wang dano, di emio dano jony tuno to. Ibinunu cuno kodi do likame kibino konyo wu, pien jokwor wu en kame bino camo gikame wun ipurunu.

Jolebi 26:16 Iomraidhean Croise

1 Abakai 8:37

“Ka kec opoto i piny arabo aumpuli, amoto ceng owango cam i poti, arabo obonyo amoto ekutele, arabo ka jokwor ka jo ni oluko gi i bomba gi moro, arabo ka aumpuli moro amoto tuo moroni omako gi,

Yobu 18:11

Lworo bino ne di wok ki bad dedede, di kiko donyo wapo yore di kiriamere kede.

Yobu 20:25

Imalia bino cocobo gi paka pelao ki ngei gi; leb imalia kakabit di rieny arienya bino yeyeco epiu gi, di do twon lworo kalikame wacere ko bino mako gi.

Yobu 31:8

wek ango acui kodi di ngat apat en ako camo, doko wek kopuputo kodere na kame apuro.

Sabuli 109:6

Gin kiwaco be, “Yer ngat arac en kame pid kede, poore ngat kame pide cungi i bade tetu cam.”

Sabuli 73:19

Gin komuducaro gi abongo gal, can kame kelo lworo wearo gi pitipit.

Sabuli 78:33

Aso en eko mino ceng me kuo gi obunyo tiek bala wei; mwakini me kuo gi ongoole tiek kede peko.

Yai 15:26

En ewaco negi be, “Ka ibinunu winyo dwana, ango Rwot Rubanga wu, di ikounu timo gi kopoore i nyima, di ikounu lubo cik na kede iswilia na, likame abino mino tuwo moro mako wu bala tuwo kame oudo amio omako jo me Misiri. Ango en Rwot, ngat kame cango wu.”

Agole 3:33

Rwot kelo ilam i paco me dano arac, do en emio winyo i kabedo me dano kopoore.

Isaya 10:4

Kobino mako wu kotero wu bala mabus arabo kobino neko wu. Pi magonogi dedede Rwot pwodi gero mere likame otiek, en pwodi erieo bade kamanono pi mino alola.

Isaya 62:8

Rwot otieko kwongere kitek, doko pi teko mere, en ebino timo gi nono. En etieko waco be, “Likame bobo abino mino cam wu doko me jokwor wu. Jokumbor likame bobo bino mato bwini kame wun icanenu pi udo.

Isaya 7:2

Kakame kop oko tuno kede but abaka me Yuda be Siria oudo otieko ribere kede Epuraimu, kom Akas kede jo mege oko donyo miel amiela bala yen me abum kame yamo puo.

Yeremia 12:13

Gin oudo kicuwo engano do okuto en oko lunyo dongo. Gin kicane tic kede teko, do likame kiko udo gimoro. Pi gero agwai kame ango atie kede, lewic bino mako gi pi kac atitidi kame kiudo.”

Yeremia 15:3

“Ango atieko moko be abino cwano ne jogi jamini areco ongwon: kobino neneko gi kede epima; igwogin bino ware kede kom gi; winy bino camo gi, kede da leini me obar bino camo gi.

Yeremia 15:8

Apuserun tie i lobo wu atot kalamo asinge me dog nam. Aneko awobe wu apwodi tek di ako mino toti gi oneno can. Amio lworo kede cwercuny ongoole angola poto negi.

Yeremia 20:4

Rwot kikome owaco be, ‘Ango abino mino ikelo lworo i komi keni kede but jowoti, doko da jokwor gi bino neko gi di in itie neno. Abino mino jo dedede me Yuda i cing abaka me Babilon, di en eko bino neko gi kede epima.

Yeremia 5:17

Gin kibino camaro gikame ipurunu kede cam wu; gin kibino neneko awobe kede anyira wu; gin kibino camaro diegi, romini kede doke wu; gin kibino dudubo olok wu kede yen epigi; kibino dudubo kede epima bomban wu kame kocelo kede apama, gin bomban kame wun iketunu iye gen wu.

Esekeri 24:23

Likame ibinunu kwanyo tenge igoen wu me bono wic arabo ot abongo amukai i tien wu, amoto tururo arabo koko. Do dub wu bino mino ijonyunu, di dano acelacel ko donyo cur but ngawote.

Esekeri 33:10

Rwot oko waco na be, “Nyogao waco ne jo me Isirael gikame gin kitie waco be, ‘Dub wa kede gikareco kame otimo okelo ne wa peko; manono omio wa ojony do. Benyo benyo kame wan obino twero kuo kede?’

Amosi 5:11

Wun iterunu jocan kirac di igamunu alos kibut gi me esolo tetek. Wun igerunu ude me wel amalo, do likame ibinunu bedo i yi gi. Wun ipitunu olok kame yomo cunyu, do likame ibinunu mato bwini gi.

Mika 6:15

Ibinunu cuno kodi, do likame ibinunu kano gikame icuwunu nogo. Ibinunu biino anyakini me olibeti do likame ibinunu tic kede mo nono. Ibinunu biino anyakini me olok do likame ibinunu mato bwini nono.

Agai 1:6

Wun icuunu kodi atot, do iudunu kac anonok; icamunu, do likame iyengunu; imatunu bwini do likame eromo wu; ingapunu igoen do likame kiobo komu; doko jo kame camo musala kikom wu, ineno bala kirwako sente gi i yi isaun kotutucun.

Sakaria 14:12

Aumpuli kame Rwot bino kelo i kom jo dedede kame bino yi kede Yerusalem gin ige: ringo me kom gi bino cako top di gin pwodi kitie cungo, tong wang gi bino top, kede leb gi da bino top i dog gi.

Malaki 2:3

Ango abino mino idwe wu alola, di ako suto we me leini me giayala wu i nyim wu, di ako riamo wu tenge ki nyima.

Iswilia 28:51

Gin kibino tero doke wu kede cam kame ipurunu, di wun ikounu bino to kec. Likame kibino weko ne wu engano moro, amoto bwini, amoto mo me olibeti; akadi kiton doke kede romini; manono ko bino mino itounu.

Iswilia 32:25

Kame kitie ooko, kobino neneko gi kede epima; kame kitie i ude gi, lworo en abino neneko gi. Awobe kede anyira gi bino totoun, idwe adot kede jo oti kame lwar tie i wi gi da likame bino bwot.

Iburanian 10:31

Etie gi me lworo pi poto i cing Rubanga kakuo.

Jongolkop 6:11

Di do malaika ka Rwot oko ot di eko bedo i dud yat oak kame bin tie i calo me Opura. Calo nono bin obedo me ka Yowasi, dano me ot ka Abieser. Egidioni wode oudo tie canyo engano kakame bin kobio iye bwini tetekeny kur jo Midian nene.

1 Samuel 2:33

Akwari acel kame abino weko dong kuo pi timo tic i alutari na wange bino to, doko ebino bedo kede cwercuny. Do ikwae ni apat bino totoun to me lito.