Jolebi 26:13 - Baibuli I Leb Kumam 2013

¹³ Ango en Rwot Rubanga wu, doko ango en kame akwanyo wu ki lobo me Misiri tetekeny kur bobo ibedunu ipasoi gin; ango atieko gonyo wu ki ipasun di ako mino wu ibedunu abongo adiadia.”

Jolebi 26:13 Iomraidhean Croise

Sabuli 116:16

Okwe Rwot, ango abedo ngatic nin; ango abedo epasoit nin, atin ka nyako kame timo nin tic. In itieko laka ki to.

Yai 14:8

Rwot oko mino Parao, en abaka me Misiri, obedo ngaepali di eko cako wapo jo me Isirael, jo kame oudo oyai tie girgi ot abongo lworo.

Yai 20:2

“Ango en Rwot Rubanga wu, ngat kowoto wu ki lobo me Misiri, kakame oudo itienu iye ipasoi.

Yai 6:7

Abino mino wu ibedunu jo na di ango ako bino bedo Rubanga wu. Ibinunu ngeno be ango en Rwot Rubanga wu, ngat kogonyo wu ki tice atek kame jo me Misiri dio wu timo.

Isaya 51:23

Ango abino do mine but jo kame oudo tero wu kirac; jo kame oudo waco ne wu be, ‘Rieberenu piny, tetekeny wan oder ngei wu’; di wun ikounu loko ngei wu odoko cal bala piny, arabo yongayo kame gin do kidero kede tien gi.”

Isaya 9:3

Rwot in itieko nyano ateker ni, imio gi yomcuny. Gin kilelo i nyimi bala kame jo lelo kede i kare me kac, arabo bala kame jo lelo kede kame kitie popoko gikame kiyako.

Yeremia 2:20

Rwot waco be, “Isirael, bin sek in ituro ayoko nin, doko di iko coto auno ki tieni, di iko waco be likame ibino tic nango. I wi imukuran aboco, i dud yen oduko in itimo malaya i yore me woro rubangan ace.

Yeremia 28:2

Rwot me jo yi, Rubanga me Isirael owaco be, “Ango atieko tuturo twer kame abaka me Babilon tie kede i komu bala ayoko.

Yeremia 28:4

Doko da abino dwoko kanoni Abaka Yekoyakin wot ka Yekoyakim, en abaka me Yuda; abino dwoke en karacel kede jo dedede kame bin komako ki Yuda di oko tero gi Babilon. Ango abino tuturo twer kame abaka me Babilon tie kede i komu bala ayoko.”

Esekeri 30:18

Colo bino umo Tapankes ka ango atieko teko kame Misiri tie kede di ako jiko ewaka mere. Edou bino umo Misiri di oko bino mamako jo me bomban mege kotero bala mabus.

Esekeri 34:27

Yen bino nyak, poti bino ceko cam, doko dano acelacel ko bino bedo i lobo mere amake abongo lworo moro. Ango abino lako gi ki cing jo komio gi kibedo ipasoi, di gin kiko bino ngeno be ango en Rwot.

Kosea 11:4

Ango awao gi dwogo buta kede mwolo kede amara. Kibut gi oudo ango acal bala ngat kame tingo atin di eko gonge i leme; ango agungo but gi di ako pito gi.

Jolebi 25:38

Yutununu be ango en Rwot Rubanga wu, ngat kame akwanyo wu ki lobo me Misiri tetekeny ami wu lobo me Kanan di ango ako bedo Rubanga wu.

Jolebi 25:42

Pien jo me Isirael obedo ipasoi nango kame akwanyo ki lobo me Misiri; likame kobino cato gi bala ipasoi.

Jolebi 25:55

Pien dano me Isirael likame karuno bedo epasoit atwal, pien gin kitie ipasoi nango kame akwanyo ki Misiri. Ango en Rwot Rubanga wu.

Nakum 1:13

Ango nataman abino jiko twer me Asiria i kom wu, di ako cocoto irikoi kotweo wu nogo.”