Jolebi 24:8 - Baibuli I Leb Kumam 2013

⁸ Aaron bino keto gi kiber i nyima buli ceng Sabato. Manoni en gikame jo me Isirael bino timo pi kare lung.

Jolebi 24:8 Iomraidhean Croise

1 Iyutun 23:29

Gin en kame oudo tic gi da mako mugati kame koyalo but Rubanga, mokalos kame komio bala giayala, mugati aperepere kame kotimo abongo arup, kede mugati kame kotedo me mino giayala, kede mokalos kame korubo kede mo me olibeti. Gin en kame da oudo tic gi me pimo giayala kame kotero i tempulo,

1 Iyutun 9:32

Jo me ot ka Kokat en koudo tic gi obedo tedo mugati kacil me tempulo buli ceng Sabato.

2 Iyutun 13:11

Gin kiyalo ne Rwot odiko acelacel kede otieno acelacel giayala me odok angwe kur kede giayala awanga me leini. Kimio Rwot giayala me mugati i wi emesa kame kolonyo, di buli otieno acelacel kiko cwicwinyo italan atie i icegeren kame kotimo kede saabu. Wan nakanaka olubo gikame Rwot Rubanga wa mito ne wa timo, do wun itiekunu weke.

2 Iyutun 2:4

Nan ango amito gero ne Rwot Rubanga na tempulo, di ako bino kwere bute. En ebino bedo kakame komie iye giayala me odok angwe kur, kede kame koyalo ne iye nakanaka mugati kacil, kede kame komie iye giayala awanga odiko kede otieno acelacel, kede i ceng Sabato kede i Ebaga me Por Duwe, kede i ceng adongo ace me woro Rwot Rubanga wa. En eciko ne jo me Isirael pi timo kamanoni nakanaka.

Nekemia 10:33

Manoni bino konyo pi udo Mugati kame koyalo but Rwot, giayala me alos kede giayala awanga kame koyalo but Rwot buli ceng; giayala kame komio i ceng Sabato, giayala kame komio i kare me Ebaga me Por Duwe, kede i ibagai apat; kede giayala kacil apat, giayala me kwanyo dub me jo Isirael, kede jamini dedede apat kame mitere me timo tic me tempulo.

Yai 25:30

Di iko bino keto mugati kame koyalo buta i wi emesa, di eko bedo tie iye nakanaka.

Wel 4:7

“Gin kibino peto egoe ebululu ebululu i wi emesa kame koketo iye mugati kame koyalo ne Rwot, di kiko keto iye suanin, itatany me dunyo odok angwe kur, kalayan, jagin me giayala amata, kede do mugati me nakanaka.

1 Samuel 21:7

Aso, icuo moro anyinge Doeg, anywali me Edom oudo cenge nono tie kunono pien iswil oudo mito ne cobo lonyere; en oudo ebedo ngatel me jokwat ka Saulo.