Jolebi 23:3 - Baibuli I Leb Kumam 2013

³ Wun ibinunu timo tice wu pi ceng kanyape; do ceng me kanyaare obedo ceng Sabato, ceng me wei, doko en ceng me cokere kacil. Likame ibinunu timo tic moro iye; en ebedo Sabato ka Rwot i kakame wun ibedunu iye dedede.

Jolebi 23:3 Iomraidhean Croise

Yai 16:23

do Musa oko dwoko negi be, “Rwot ociko be diki obedo ceng adwong kame jo wei iye, en ceng Sabato kacil ka Rwot. Bulunu gikame imitunu bulo, doko da tedunu gikame imitunu tedo, di ikounu kano gi dedede kodong tuno diki odiko.”

Yai 16:29

Nenunu, ango Rwot atieko mino wu ceng Sabato me wei, pi manono, i ceng me kanyape ango abino donyo mino wu cam amako ceng are. Ngat acelacel poore dong bedo kakame etie iye i ceng me kanyaare, likame epoore yai ot tenge.”

Yai 16:30

Aso, jo oko donyo wei i ceng me kanyaare.

Yai 23:12

“Ibino timo tice ni pi ceng kanyape, do i ceng me kanyaare mere iko bino wei, tetekeny twon ni kede punda ni karuno udo wei, kede atin me epasoit ni da kede ngakumbor kame bedo kedi, gida kiud bobo teko.

Yai 34:21

“Ibinunu timo tice wu pi ceng kanyape, do ikounu wei i ceng me kanyaare mere; akadi i kare me pur arabo i kare me kac.

Isaya 56:2

Etie kede yomcuny dano kame timo gi noni, ngat kame ketakin iye kitek; dano kame gwoko Sabato di likame emunao en, doko likame etimo gimoro arac.”

Isaya 56:6

Rwot waco kaman ne jokumbor kame bino bute, jo kame mare di kitimo tic mere, jo kame gwoko Sabato di likame kimunao en, kede kiketakin gwoko isikan mere be,

Isaya 58:13

Rwot waco be, “Ka wun iterunu Sabato bala gikacil di likame imounu gikame ber piru kenu i ceng kacil nono; ka wun iterunu Sabato bala ceng me yomcuny, kede bala ceng kacil ka Rwot, ceng me awora kalikame poore lubo iye mit me cunyu kenu, arabo mono gikame mako wu kenu, arabo yamo atatai,

Jolebi 19:3

Ngat acelacel miero mi toto mere kede papa mere wor, doko miero igwokunu ceng Sabato na. Ango en Rwot Rubanga wu.

Luka 13:14

Do ngadwong me sinagoga cunye oko wang, pien oudo Yesu ocango dano Ceng Sabato. En eko waco ne jo be, “Tie ceng kanyape kame jo poore timo kede tice; bianu i ceng nogo di oko cango wu, do weko bino Ceng Sabato.”

Luka 23:56

di do gin kiko dok, kiko iiko mo kede gikame ngwece gi kur. I Ceng Sabato, gin kiko wei bala kite kame cik oudo mito kede.

Tice 15:21

Piento cako kibut jo ariki sek, Musa obedo tie kede jo kame tatamo kop mere i bomba acelacel, pien oudo kosomo kop mere Ceng Sabato acelacel i sinagogan.”

Gianyuta 1:10

I ceng ka Rwot, twer me Tipo oko uma, di ako winyo ki cen ngea dwan amalo bala me agwara.