Jolebi 22:10 - Baibuli I Leb Kumam 2013

¹⁰ “Dano moro apat likame bino camo giayala kacil kame jo omio buta, akadi welo kobino but ngasaseredoti, amoto jotic mege kame en epango apanga.

Jolebi 22:10 Iomraidhean Croise

Esera 2:63

Ngapug oko waco negi be likame kipoore camo cam kame koyalo ne Rubanga tuno di kotieko tic kede Urim kede Tumim pi udo niang i kom kop nono.

Yai 12:43

Rwot oko waco ne Musa kede Aaron be, “Magi en iswilia amako Ebaga me Kalamo: likame ngakumbor moro poore camo ebaga noni,

Yai 12:45

likame welo moro arabo epakasit poore came.

Yai 29:33

Gin kikom gi kibino camo gikame oudo kotio kede me kwanyo dub i kare kame kokwero gi kede, do likame tie dano moro ace kame bino camo gi, pien gin kibedo gikacil.

Esekeri 44:8

Wun likame igwokunu cik amako giamia kacil i tempulo na, do ilunyunu keto tic nono i cing jokumbor.

Jolebi 21:22

En ekaruno camo cam dedede kame komio but ango Rubanga mere, cam kacil kede kacil kalamo.

Jolebi 22:13

Do ka nyar ka ngasaseredoti oko doko apuserut, arabo ka cware oko riame, doko di en eli kede idwe, di do en eko dok bedo kede papa mere bala bin i kare me aponga mere, en ekaruno camo cam ka papa mere. Likame tie dano moro apat kame bino camo giayala kacil kame jo omio.

Wel 3:10

Do in ibino cibo Aaron kede awobe mege bedo josaseredoti; ngat apat kame bino tamo timo tic nono kobino neke.”

Matayo 12:4

En bin edonyo i ot ka Rubanga di eko camo mugati kame oudo tie giamia but Rubanga, kame en akadi jo kame oudo tie kede en da oudo likame poore pi camo, do josaseredoti kenekene en kame oudo poore camo.

1 Samuel 21:6

Pi mano, ngasaseredoti oko mine mugati kacil, pien oudo mugati apat li, kwanyo kenekene mugati kame oudo obedo giayala but Rubanga, kame oudo kotieko kwanyo tenge ki wi emesa kacil di oko keto ace aliet kawang gi.

1 Samuel 21:7

Aso, icuo moro anyinge Doeg, anywali me Edom oudo cenge nono tie kunono pien iswil oudo mito ne cobo lonyere; en oudo ebedo ngatel me jokwat ka Saulo.