Jolebi 21:6 - Baibuli I Leb Kumam 2013

⁶ Gin kibino bedo jokacil but ango Rubanga gi, doko likame kibino kelo acae i nyinga. Pien gin kimio giayala awanga me cam buta, gin poore kibed jokacil.

Jolebi 21:6 Iomraidhean Croise

Esera 8:28

Ango ako waco negi be, “Wun ibedunu jo kacil i nyim Rwot, Rubanga ka joakwari wu, kede jamini nogi da tie jamini kacil. Siliba kede saabu kame jo okelo obedo giayala me bercuny but Rwot.

Yai 19:22

Akadi kiton josaseredoti kame bino noka da poore lonyere, aso ka li, abino timo negi can.”

Yai 28:36

“Ibino timo saabu ibatalal di cil di iko goro inyukutan me kop noni iye be, ‘Komie but Rwot.’

Yai 29:44

Ango abino lonyo Eema me riamo keda kede alutari; doko abino kwero Aaron da kede awobe mege pi gin timo na tic bala josaseredoti.

Isaya 52:11

Yaunu, yaunu tenge ki kunono! Wun jo kame yeo jamini me timo tic ka Rwot, kur imulunu gimoroni komunaun; yaunu tenge kiye di ikounu lonyere.

Esekeri 44:7

Wun ibedunu gamo i tempulo na jokumbor kalikame kokepo kede kalikame winya; igamunu gi i tempulo na i esawa kame kotie mina kede giayala me kakamio kede me remo. Pi manono wun itiekunu turo isikan na kede wu pi tice wu kingorijij kame ibedunu timo.

Jolebi 10:3

Di Musa oko waco ne Aaron be, “Manoni en dwong me gikame Rwot oudo owaco kakame ewaco kede be, ‘Jo kame timo na tic poore bedo kede wor buta bala ngat kacil; jo dedede bino mina deyo.’ ” Do Aaron oko ling alinga.

Jolebi 18:21

Likame ibino mino atin ni moro pi bedo giayala but rubanga Molek, pien manono bino kelo acae i nyinga ango Rubanga wu. Ango en Rwot.

Jolebi 19:12

Kur ilairunu kede nyinga i kope kalikame tie me ateni, pien manono mio ipwokunu nyinga. Ango en Rwot.

Jolebi 20:3

Ango kikoma abino lokere dage, di ako riame tenge kibut jo na, piento en eko mino atin mere but rubanga Molek, di eko munao kabedo na kacil, doko eko pwoko nyinga kacil.

Jolebi 21:17

be ewace Aaron be, “Likame tie akwari moro kame tie kede angwal moro, kame bino noka pi mina giayala awanga me cam. Manoni tie pi kare lung me anyim.

Jolebi 21:21

Likame tie akwar Aaron ngasaseredoti moro, kame tie kede angwal moro, kame bino noka pi mina giayala awanga; piento en etie kede angwal, en likame ebino noka pi mino ango Rubanga mere giayala me cam.

Jolebi 21:23

Do piento en etie kede angwal, en likame ebino noko egoe me isenge akadi alutari, tetekeny kur epwok kabedo na kacil; ango en Rwot ngat kame alonyo gin.”

Jolebi 21:8

Jo poore ter gi bala jokacil, pien gin kimio giayala me cam but ango Rubanga wu. Ango Rwot abedo ngat kacil, doko alonyo jo na kibedo cil.

Jolebi 3:11

Di ngasaseredoti atie i wang tic ko wango gi nogi dedede i wi alutari bala giayala awanga but Rwot di yiro gi ko duny.

Wel 16:5

Di eko waco ne Kora kede jo dedede kame oudo eupere kede be, “Diki odiko Rwot bino nyuto ne wa ngai en kobedo mere; en ebino yei ne ngat kobedo mere, ngat kame en ebino yero, pi ot bute i alutari.

Wel 28:2

pi waco ne jo me Isirael be miero kigwokere di kiko mino Rubanga giayala me cam kame yomo cunye i kare kame kociko.

1 Petero 2:9

Do wun ibedunu ateker kame koyero, josaseredoti me Abaka, ateker kacil, jokacil kikome, me wek itucunu tice me aura me ngat kolwongo wu ki colo pi bino i lero mere me aura.