Jolebi 21:11 - Baibuli I Leb Kumam 2013

¹¹ En likame ebino ot kakame dano oto tie iye; en likame ebino munao kome akadi di ngat oto nono obedo papa mere arabo toto mere.

Jolebi 21:11 Iomraidhean Croise

Jolebi 19:28

Likame ibinunu teteo komu arabo cwicwinyo komu pi timo alama moro me koko jo oto.

Wel 19:11

Ngat komulo kom dano oto bino bedo dano kopwokere pi ceng kanyaare.

Wel 19:14

Ka ngatamoro oto i eema, ngat kame oudo tie i yi eema iesawa me to mere, kede jo dedede kame donyo i yi eema nono, bino bedo jo kopwokere pi ceng kanyaare.

Wel 6:7

Akadi bed bala papa gi, amoto toto gi, amoto omin gi, amoto amin gi moro en oto, likame gin kipoore munaun iepone nono. Yer wi gin tie gianyuto be gin kikwerere but Rwot.

Luka 14:26

“Ngat kame bino buta likame karuno bedo ngasiao na, kwanyo kenekene ka emara kalamo epone kame emaro kede papa kede toto mere, dako kede idwe mege, imiegu kede amiegu mege, ebo, kiton kuo mere da kikokome.

2 Jokorinti 5:16

Pi mano, cako nataman wan likame oneno ngatamoro iekite kame dano neno kede; bed bala oudo i kare okato oudo obedunu neno Kirisito iepone kame dano neno kede, do likame bobo nan onene iepone nono.

Iswilia 33:9

Gin kiko nyuto wor adwong buti, kalamo wor kame gin kimio but jonywal gi, imiegu gi kede but idwe gi. Gin kilubo cik nin, doko da kigwoko isikan kame in itimo kede jo me Isirael.