Jolebi 21:1 - Baibuli I Leb Kumam 2013

¹ Rwot oko waco ne Musa pi waco ne josaseredoti, awobe ka Aaron be, “Likame tie ngatamoro kikom josaseredoti kame miero mul kom wad gi moro oto di eko munaun,

Jolebi 21:1 Iomraidhean Croise

Esekeri 44:25

Likame ngatamoro kibut gi bino munao kome i yore me ot i nget dano oto, kwanyo di dano nono obedo nganywal mere, atin mere, amoto omi mere arabo ami mere kalikame konyomo.

Kosea 5:1

Rwot waco be, “Winyunu kop noni, Okwe wun josaseredoti! Cikunu yitu, Okwe wun jo Isirael! Winyunu, Okwe wun jo me ot ka abaka! Pien ngolo kop noni mako wun. Wun icalunu bala obek me ciko jo i Misipa, kede bwoi kame korieo i moru me Tabor.

Jolebi 19:28

Likame ibinunu teteo komu arabo cwicwinyo komu pi timo alama moro me koko jo oto.

Jolebi 21:11

En likame ebino ot kakame dano oto tie iye; en likame ebino munao kome akadi di ngat oto nono obedo papa mere arabo toto mere.

Malaki 2:1

Aso nataman Rwot me jo yi waco be, “Okwe wun Josaseredoti, cik noni mako wun.

Malaki 2:4

Di do wun ikounu bino ngeno be ango atieko mino wu cik noni, tetekeny isikan na kede kwaru wu Lebi kur turi.

Wel 19:11

Ngat komulo kom dano oto bino bedo dano kopwokere pi ceng kanyaare.

Wel 19:14

Ka ngatamoro oto i eema, ngat kame oudo tie i yi eema iesawa me to mere, kede jo dedede kame donyo i yi eema nono, bino bedo jo kopwokere pi ceng kanyaare.

Wel 19:16

Ka ngatamoro omulo kom ngat kame koneko arabo kom ngat oto tuwo, amoto cogo me dano arabo ates, ngat nono doko dano kopwokere pi ceng kanyaare.

Wel 5:2

“Cik jo me Isirael pi poko tenge ki kimere gi jo dedede kame tie kede tuwo me delkom, arabo kame tie kede pige kame cwer ki kom gi, arabo jo komulo kom gi oto.

Wel 6:6

“Pi kare lung kame gin kikwerere kede but Rwot, likame gin kibino noko kom dano oto.