Jolebi 20:3 - Baibuli I Leb Kumam 2013

³ Ango kikoma abino lokere dage, di ako riame tenge kibut jo na, piento en eko mino atin mere but rubanga Molek, di eko munao kabedo na kacil, doko eko pwoko nyinga kacil.

Jolebi 20:3 Iomraidhean Croise

Yai 30:33

Ngatamoroni kame bino nyalo mo moro bala en, arabo ngatamoroni kame bino kete i kom dano moro kalikame obedo ngasaseredoti, kobino riame tenge kibut jo na.’ ”

Esekeri 20:39

Rwot Rubanga oko waco be, “Aso wun jo Isirael, ka idagunu winyo kop na, cako nataman otunu do itimunu tic ne caljwogi wu. Do i cen mere likame abino yei ne wu pwoko nyinga i yore me wun mino giamia wu but gi.

Esekeri 5:11

“Pi mano, ango Rwot Rubanga akwongere be, pien in imunao kabedo na kacil kede jamini kame cunya dagi karacel kede tim ni aneno rac, ango abino tongi piny abongo kisa.

Jolebi 15:31

Rwot oko waco ne Musa kede Aaron pi kwenyaro jo me Isirael pi kwanyo tenge pwokere kame kitie kede, tetekeny kur kimunao Eema me ariamakin kede en, kame tie i diere gi. Aso ka gin kiko munao en, kobino neko gi.

Jolebi 17:10

Ka dano moro me Isirael arabo ngakumbor moro kame bedo kede gin oko camo remo, ango abino dagi dano nono di ako riame tenge kibut jo mege.

Jolebi 18:21

Likame ibino mino atin ni moro pi bedo giayala but rubanga Molek, pien manono bino kelo acae i nyinga ango Rubanga wu. Ango en Rwot.

Jolebi 19:12

Kur ilairunu kede nyinga i kope kalikame tie me ateni, pien manono mio ipwokunu nyinga. Ango en Rwot.

Jolebi 20:4

Do ka jo likame oko paro gimoro i kom gikame dano nono oko timo, di likame kiko neke,

Jolebi 21:6

Gin kibino bedo jokacil but ango Rubanga gi, doko likame kibino kelo acae i nyinga. Pien gin kimio giayala awanga me cam buta, gin poore kibed jokacil.

Jolebi 7:20

Do ka dano kopwokere kede gi me kwer ocamo ringo me giayala me nywak, kobino riame tenge kibut jo me Isirael.

Jolebi 7:21

Doko da ka ngatamoro omulo gimoro me kwer atie i kom dano, amoto le moro me kwer, arabo giacwea moro me kwer, di eko camo ringo me giayala me nywak but Rwot, eda kobino riame tenge kibut jo me Isirael.

Wel 19:13

Jo dedede kame mulo kom dano oto di likame kiko lonyere dong di kipwokere, pien udo pii me lonyere likame kokikiro i kom gi. Gin kimunao Eema ka Rwot; jo kame cal kamagonogo kobino poko gi tenge kibut jo me Isirael.

Wel 19:20

Jo dedede kame pwokere di likame kiko lonyere dong di kipwokere, gin kobino poko gi tenge kibut jo me Isirael, pien gin kitwero munao Eema kacil ka Rwot. Etimere kamanono pien udo pii me lonyere likame kokikiro i kom gi.

2 Jokorinti 6:16

Winyere nyo kame tie i dierediere me tempulo ka Rubanga kede cal jwogi? Pien wan otienu tempulo ka Rubanga kakuo; bala kame Rubanga owaco kede be, “Ango abino bedo i diere gi di aoto kiye, di ako bino bedo Rubanga gi, di gin kiko bino bedo jo na.”

1 Petero 3:12

pien wang Rwot bit i kom jo kopoore, doko ewinyo kwac gi. Do Rubanga dagi jo kame timo gikareco.”