Jolebi 20:2 - Baibuli I Leb Kumam 2013

² pi waco ne jo me Isirael be, “Ngatamoroni kikom wu arabo ngakumbor moro kame bedo kede wu, kame bino mino atin mere moro but rubanga Molek kobino neke. Jo dedede poore didipo en kede kide tuno en to.

Jolebi 20:2 Iomraidhean Croise

1 Abakai 11:7

En bin egero kabedo me woro Kemos, en rubanga aneno rac me Moab, kede kabedo me woro Molek, en rubanga aneno rac me Amon, i wi moru i bad tetu kide me Yerusalem.

2 Abakai 17:17

Gin bin kimio idwe gi awobe kede anyira bala giayala awanga; gin oudo kipenyo yamere kede kilamo gagi; oudo kiketo cuny gi timo gikarac i nyim Rwot di kiko wango cunye.

2 Abakai 23:10

Abaka Yosia bin oko munao da kabedo kame kolwongo be Topet, kakame bin koworo kiye caljwogi i aditot me Kinom, tetekeny kur dano moro mi wode arabo nyare moro bala giayala but rubanga Molek.

2 Iyutun 28:3

doko ebedo mino giayala i aditot me Kinom. En bin emio kiton awobe mege kikokome bala giayala awanga but caljwogi, di elubo tim me kwer arac me atekerin kame bin Rwot oriamo tenge ki lobo nono i kare kame bin jo me Isirael donyo kede iye.

2 Iyutun 33:6

En bin emio wode bala giayala awanga i Aditot me Kinom; etimo da tic me lamo gagi, oudo etio kede imuroko kame penyo tipere kede etio da kede jojwogi. En ebedo timo gikareco atot atota i nyim Rwot, di eko wango cuny Rwot.

Sabuli 106:38

kionyo remo me jo kame li kede raco moro, remo me awobe kede anyira gi, jo kame bin gin kiyalo ne caljwogi me Kanan; pi manono, lobo gi nono oko munaun kede remo.

Yeremia 32:35

Gin kitieko gero ne Baal alutarin i aditot ka wot ka Kinom, me mino idwe awobe gi kede anyira but rubanga Molek. Ango likame oudo aciko gi be kitim kamanono, doko likame oudo gikacal kamanono obino i tam na be gin kibino timo gi me kwer kacal kamano di kiko mino jo me Yuda timo dub.”

Yeremia 7:31

Gin kigero i aditot me Kinom alutari gi kame kolwongo be Topet, me wango awobe gi kede anyira gi i mac. Manoni obedo gikame ango likame aciko gi pi timo, doko da likame oudo etie i tam na.

Esekeri 20:26

Ango amio gin kimunaun ken gi kede giayala gi. Ango ajalo gi kimio idwe gi kao bala giayala awanga but caljwogi, tetekeny akel ne gi lworo atek, di gin kiko ngeno be ango en Rwot.

Esekeri 20:31

Tuno tin wun pwodi ipwokerenu kede woro caljwogi wu, di imiunu gi giamia kede di imiunu gi idwe wu bala giayala awanga. Okwe wun jo me Isirael, benyo, kom pwodi wun itamunu be ibinunu meede bino penyo tam kibuta? Ango Rwot Rubanga akuo akwongere be likame abino yei ne wu penyo kop moro kibuta.

Esekeri 23:37

Gin kibedo timo adote kede nek; kitimo adote i yore me woro caljwogi, kede kibedo mino idwe gi awobe bala giayala angola but caljwogi nogo, idwe kame gin kinywalo na.

Esekeri 23:39

Cenge nono kame gin kingongolo kede idwe gi me woro caljwogi, en kame gin kibino kede kabedo na kacil di kiko pwoke. Manoni en gikame gin kibedo timo i oda.

Jolebi 17:13

Ka dano moro me Isirael arabo ngakumbor kame bedo kede gin oko ot dwaro le arabo winyo moro kame ocamo, en ebino onyo remo mere piny di eko ume kede lobo,

Jolebi 17:15

Ngatamoroni, dano me Isirael arabo ngakumbor, kame camo ringo me le oto amoto ringo me le kame leini me obar oneko, en ebino lwoko igoen mege di eko bol kede pii, di eko dong kuro tuno otieno en amio eko doko cil.

Jolebi 17:8

Dano moroni me Isirael arabo ngakumbor moro kame bedo kede gin, kame mio giayala awanga arabo giayala moroni,

Jolebi 18:21

Likame ibino mino atin ni moro pi bedo giayala but rubanga Molek, pien manono bino kelo acae i nyinga ango Rubanga wu. Ango en Rwot.

Jolebi 20:1

Rwot oko waco ne Musa

Jolebi 20:27

“Icuo arabo dako kobedo emuron arabo amuron lango amoto ngajwok kobino neke; kobino didipo en kede kide paka to, remo mere dong i wie.”

Jolebi 24:14

“Ter icuo koyeyeto ango no tenge me kimere di iko mino jo dedede kame oudo oko winyo lamere mere nono ket cing gi i wie, di jo dedede me Isirael ko didipo en kede kide tuno neke.

Jolebi 24:16

Ngat kame yeto nyinga kobino neke; jo dedede bino didipo en kede kide. Ngakumbor arabo anywali me Isirael kame yeto nyinga kobino neke.

Jolebi 24:23

Kakame Musa otieko waco ne kede jo me Isirael kope nogi, gin kiko timo bala kame oudo Rwot ociko ne. Kitero icuo nono koyeyeto Rubanga tenge me kimere, di kiko didipo en tuno to.

Tice 7:43

Riki wun iterunu kima me eema ka rubanga kame nyinge Molok, kede acer me rubanga wu kame nyinge Repan, gin oudo kibedo cal kame wun oudo itimunu me awora. Pi mano, ango abino mino kotero wu kakabor kalamo Babilon.’

Iswilia 12:31

Kur iworunu Rwot Rubanga wu iepone kame gin kiworo kede mergi, pien gin kiworo rubangan gin kede tim areco kame Rwot dagi. Gin kiwango kiton idwe gi da me yalo rubangan gi.

Iswilia 17:2

“Ka cengemoro ibinunu udo dano moro i diere wu, dako arabo icuo, kame tie i bomba wu moro kame Rwot Rubanga wu tie mino wu, kame timo gikarac i nyim Rwot Rubanga wu, doko di eturo isikan mere

Iswilia 18:10

Likame ngatamoro kibutu poore wango wode amoto nyare kede mac bala giayala, arabo tic kede teko me yamere pi tuco kope me anyim, arabo lamo gagi, arabo ngingico jamini mogo di eko tuco ne jo winyo aber amoto arac kame kitie kede, arabo timo tim me jwok,

Iswilia 21:21

Di do jo dedede me bomba ko bino didipo en kede kide tuno to. Manono bino mino ikwanyunu tenge raco noni ki diere wu; jo dedede me Isirael kame bino winyo bino bedo kede lworo.

Iswilia 22:21

gin kibino tero nyako nono i ekeko me ot ka papa mere di cuo me bomba ko didipo en kede kide tuno to, pien udo en etimo gi me lewic i Isirael i yore me en buto kede icuo di likame pwodi konyome. Manoni en epone kame ibinunu kwanyo kede gikarac noni ki diere wu.