Jolebi 2:4 - Baibuli I Leb Kumam 2013

⁴ Ka dano moro tie mino giayala me mugati kame kotedo, miero time abongo arup. Kitwero bedo mugati apek kame kotimo kede alos kame konyalo kede mo me olibeti, arabo kitwero bedo perepere di kowiro mo i kom gi.

Jolebi 2:4 Iomraidhean Croise

Sabuli 22:14

Teko na tie tiek bala pii kame kotie onyo. Cogere na otieko gwegwetun ki kariamo gi; cunya do cal bala odok kame ocalar i kora.

Yai 12:8

Gin kipoore camo ringo nogo iwor nono; kipoore bulo gi abula di kiko camo gi kede mugati kame arup li iye, karacel kede yen mogo apote gi kec.

Yai 16:31

Jo me Isirael oko lwongo cam nono be emana; oudo ecal bala nyige atitino di tar, di ebilere emit bala kotime kede mokic.

Yai 29:2

Tim mugati kame arup li iye, kede mugati kame arup li iye kame kotedo kede mo, kede mugati aperepere kame kosuto kede mo. In ibino timo gi kede engano kame konungo.

Isaya 42:1

Rwot waco be, “Ngatic na kame ango akonyo ine, en ngat kame ango atieko yero kame cunya yom i kome. Ango atieko keto tipo na i kome; en ebino kelo tim kame poore but atekerin dedede.

Isaya 61:1

Tipo ka Rwot tie i koma. En etieko yera di eko oora pi kelo ne jocan kop aber, pi cango jo kame tie kede cwercuny, pi waco ne jo kame komako kede ne mabus kop kame mako gonyo gi.

Esekeri 46:20

di eko waco na be, “Mano en kakame josaseredoti bino donyo tedo kiye ringo me giayala me kwanyo dub, arabo me giayala me timo cul, amoto giayala me alos. Etie kamanono tetekeny kur ter gimoro kobedo gikacil i diakal aoko di cengemogo jo ko udo peko pi mule.”

Jolebi 1:11

En epoore ngole i bad tetu malo me alutari i nyim Rwot, di josaseredoti awobe ka Aaron ko kikiro remo mere i kom alutari i bad dedede.

Jolebi 10:12

Musa oko waco ne Aaron kede awobe mege are kodong, Eleasar kede Itamar be, “Kwanyunu giayala me alos kodong kikom giayala awanga but Rwot, ikounu came i nget alutari abongo keto iye arup, piento en ebedo gikacil twatwal.

Jolebi 7:12

Ka dano tie mino giayala mere bala giayala me pwoc but Rwot, en epoore tero le kame eyaro yalo karacel kede mugati kame kotimo abongo arup, mugati apek kame kotimo kede alos kame konyongo kede mo me olibeti, mugati aperepere kame kosuto mo i kome, kede mugati apepek kame kotimo kede alos apwot di onyonge kede mo atot.

Wel 6:15

Kibino da yalo ebukit acel me mugati kame kotimo abongo arup: gin en mugati apek kame kotimo kede alos kame konungo di oko nyalo kede mo, kede mugati aperepere kame kosuto mo i kom gi, karacel kede giayala gi me alos kede giayala amata.

Matayo 26:38

En eko waco ne gi be, “Par atek tie i cunya, kame romo neka, wun ber dongunu kan, do ikounu bedo di ikiunu piny karacel keda.”

Yokana 12:27

“Nan cunya tie kede peko. Nan do awac benyo? Benyo, awac be, ‘Papa, laka ki esawa me can noni?’ Li, pien kop noni en komio ango atuno iesawa ni.

Yokana 3:34

Pien ngat kame Rubanga ocwao, en eyamo kop ka Rubanga, pien likame Rubanga mio Tipo Kacil di epimo apima;

Iburanian 7:26

Pien oudo etie gikame poore, pi wan bedo kede Ngatel Josaseredoti kacal kamanoni, en ebedo ngat kacil, kame li kede raco moro arabo dub moro, kame kopoko tenge kibut jodubo di oko tinge kotere malo.

1 Petero 2:1

Pi mano, wekunu bedo kede epone dedede me cuny arac, kede ecuke, nyeko, kede dubo nying jo.

1 Petero 2:22

En bin likame etimo dub moro; kop moro me abe da likame owok ki doge.