Jolebi 2:2 - Baibuli I Leb Kumam 2013

² di eko tere but josaseredoti awobe ka Aaron. Ngasaseredoti atie timo tic bino juko alos pong cinge di mo kede odok angwe kur tie iye, di en eko wange i wi alutari di yiro mere ko duny. Dul atitidi nono nyuto be akadi kodong da kotieko yalo but Rwot. Ngwece me giayala awanga nono yomo cuny Rwot.

Jolebi 2:2 Iomraidhean Croise

Nekemia 13:14

Okwe Rubanga na, ango akwai iyutuno tice dedede abeco kame ango atieko timo pi odi kede pi jo kame wori iye.

Nekemia 13:22

Ango ako mino cik but Jolebi pi gin lonyere di kiko bino daro irutei, tetekeny kinen be jo ogwoko ceng Sabato obedo ceng kacil. Okwe Rubanga, ango akwai iyutuno ango pi manoni, di iko gwoka pi amara ni adwong kalikame lokere.

Yai 30:16

In ibino gamo sente noni kibut jo me Isirael di iko tic kede pi konyo tice kame makere kede Eema me riamo keda. Esolo nono bino bedo i nyima bala gi me yutuno jo me Isirael, gikame gin kiculo pi lako kuo gi.”

Isaya 66:3

“Jo timo bala kame cuny gi mito. Kibut gin, apokapoka moro li ka gin kineko twon bala giayala arabo kineko dano bala giayala; arabo kimio giayala me atin oromo amoto kiminaro ngut ogwok; arabo kimio giayala me alos amoto kimio giayala me remo me epege; arabo kimio giayala me odok angwe kur amoto kilego but caljwogi. Gin kitieko yero timo gikame cuny gi mito, doko cuny gi yom i kom tim gi me kwer nogo.

Jolebi 1:13

Do miero lwok amontena kede tiene. Di ngasaseredoti atie telo tic ko wango kom giayala nono dedede i wi alutari di yiro mere ko duny. Ngwece me giayala awanga nono yomo cuny Rwot.

Jolebi 1:17

En ebino mako bwome di eko nyile epedere apeda do di likame eko mine ecot; di ngasaseredoti ko wango kom giayala nono i wi alutari di yiro mere ko duny. Ngwece me giayala awanga nono yomo cuny Rwot.

Jolebi 1:9

do miero lwok amontena kede tiene. Di ngasaseredoti atie telo tic ko wango kom giayala nono dedede i wi alutari di yiro mere ko duny. Ngwece me giayala awanga nono yomo cuny Rwot.

Jolebi 2:16

Ngasaseredoti bino kwanyo dul atitidi me alos kame koriego di gwai nono, karacel kede mo kede odok angwe kur, di eko wange di yiro mere ko duny. Manono obedo giayala awanga but Rwot.

Jolebi 2:9

Ngasaseredoti bino kwanyo dul atitidi me giayala nono, di en eko wange i alutari di yiro mere ko duny. Dul atitidi nono nyuto be akadi kodong da kotieko yalo but Rwot. Ngwece me giayala awanga nono yomo cuny Rwot.

Jolebi 24:7

Ibino keto i eroto acelacel odok acil kame kodunyo ngwe kur, pi bedo bala anen me giayala awanga kame komio buta, kawang mugati.

Jolebi 4:31

Di do en eko waro kakamio mere dedede, bala kame kokwanyo kede kakamio me giayala me nywak, di ngasaseredoti ko wange eduny yiro i wi alutari, di ngwece mere ko yomo cuny Rwot. I yore noni, ngasaseredoti bino mino giayala me kwanyo dub me dano nono, di Rubanga ko sasiro en.

Jolebi 5:11

Do ka dano ngacan likame esobolo kwanyo amam are amoto ilukei are, en ebino tero kilo acel me alos kame konungo kiber bala giayala mere me kwanyo dub. Likame ebino keto iye mo me olibeti amoto odok angwe kur, pien manono obedo giayala me kwanyo dub.

Jolebi 5:12

En ebino tere but ngasaseredoti, di ngasaseredoti ko juko alos nono i cinge pong, di eko wange i wi alutari di yiro mere ko duny. Dul atitidi nono nyuto be akadi kodong da kotieko yalo but Rwot. Manoni obedo giayala me kwanyo dub.

Jolebi 6:15

Ngasaseredoti bino juko pong cinge alos kame konungo kiber nono kede mo, karacel kede odok angwe kur dedede atie iye, di en eko wange i wi alutari. Dul atitidi nono nyuto be akadi kodong da kotieko yalo but Rwot. Ngwece me giayala awanga nono yomo cuny Rwot.

Wel 5:18

Ngasaseredoti ko bino sanyakako yer wi dako nono, di eko keto giayala me alos i cing dako nono. Di do en ngasaseredoti eko mako i cinge itatany atie kede pii akec, en pii kame kelo ilam.

Wel 5:26

Di ngasaseredoti ko juko alos nono i cinge pong, di eko wange i wi alutari di yiro mere ko duny; dul atitidi nono nyuto be akadi kodong da kotieko yalo but Rwot. Ingei manono en eko do mino dako nono mato pii noca.

Tice 10:4

En eko ngino malaika nono kede lworo, di eko waco be, “Benyo bo Rwot?” Malaika nono oko waco ne be, “Ilega kede mic nin me konyo jocan otieko tuno but Rubanga, omio en eyutuno in.