Jolebi 2:16 - Baibuli I Leb Kumam 2013

¹⁶ Ngasaseredoti bino kwanyo dul atitidi me alos kame koriego di gwai nono, karacel kede mo kede odok angwe kur, di eko wange di yiro mere ko duny. Manono obedo giayala awanga but Rwot.

Jolebi 2:16 Iomraidhean Croise

Sabuli 141:2

Wek ilega na bed bala giawanga kame ngwe kur i nyimi, kede cinga kame atingo malo i ilega bed bala giayala me otieno.

Isaya 61:1

Tipo ka Rwot tie i koma. En etieko yera di eko oora pi kelo ne jocan kop aber, pi cango jo kame tie kede cwercuny, pi waco ne jo kame komako kede ne mabus kop kame mako gonyo gi.

Jolebi 1:9

do miero lwok amontena kede tiene. Di ngasaseredoti atie telo tic ko wango kom giayala nono dedede i wi alutari di yiro mere ko duny. Ngwece me giayala awanga nono yomo cuny Rwot.

Jolebi 2:12

Itwero da mino gi but Rwot bala giamia me kodi ageo cek, do likame ipoore wango gi i wi alutari pi mino ngwece gi yomo cuny Rwot.

Jolebi 2:14

Ka itie mino giayala me alos bala kodi ogeo cek i poto, miero iteri alos kame kocelo i mac di oko riege di egwai.

Jolebi 2:15

Ipoore onyo iye mo me olibeti di iko keto iye odok angwe kur; manono obedo giayala me alos.

Jolebi 2:9

Ngasaseredoti bino kwanyo dul atitidi me giayala nono, di en eko wange i alutari di yiro mere ko duny. Dul atitidi nono nyuto be akadi kodong da kotieko yalo but Rwot. Ngwece me giayala awanga nono yomo cuny Rwot.

Iburanian 5:7

I kare kame oudo ekuo kede kome i piny kan, Yesu olego kede dwan amalo kede pige wange, di ekwao Rubanga ngat kame oudo twero lake ki to. Rubanga oko winye pi mwolere mere bute.