Jolebi 2:12 - Baibuli I Leb Kumam 2013

¹² Itwero da mino gi but Rwot bala giamia me kodi ageo cek, do likame ipoore wango gi i wi alutari pi mino ngwece gi yomo cuny Rwot.

Jolebi 2:12 Iomraidhean Croise

Ageini 23:17

Manono en epone kame poto ka Epuron kame bin tie Makepela, tetu kide me Mamure oko lokere odoko kede me ka Aburaam. Poto nono lung kede abo kame bin tie iye, kiton yen dedede kame bin tie i poto oko doko

2 Iyutun 31:5

Oyotoyot di kop nono otuno but jo, jo Isirael oko mino jamini atot twatwal: gin kimio engano kame geo cek, bwini, mo me olibeti, mokic, kede jamini apat dedede kame kopuro apura; kede kiko tero da acel me tomon me gi dedede kame gin oudo kitie kede.

Yai 22:29

“Kur igal kelo na giamia kikom amio kame iudo, kede giamia me bwini kede mo me olibeti. “Ibinunu mina idwe wu awobe kao.

Yai 23:19

“Kodere kame beco, kame geo cek ki poti wu, ibinunu kelo gi i ot ka Rwot Rubanga wu. “Likame ibinunu tedo ringo me atin diel kede cak ka toto mere.

Yai 34:22

“Ibinunu tedo Ebaga me Kac i kare kame ibinunu cako kede kano engano ki poti, kede ibinunu da tedo Ebaga me kimere i atiekini me mwaka i kare me ngwedo anyakini.

Jolebi 23:17

Jo me paco acelacel bino kelo mugati are bala giayala kame kokiarao i nyima. Mugati acelacel kobino timo kede alos kame konungo kilo are, di oketo iye arup, di oko bino mine buta bala anyakini kame geo cek.

Jolebi 7:13

Medo i wi magonogo, en epoore da tero mugati kame kotimo kede arup.

Wel 15:20

Kame itienu tedo mugati kede alos acako cek i poti, mugati me agege ibinunu mino buta bala kame imiunu kede alos buta i diakal me canyo.

Wel 18:12

“Ango atieko mino wu gi dedede kame beco kalamo kikom jamini apura kame geo cek, kame jo me Isirael mia buli mwaka: mo me olibeti, bwini, kede alos.

1 Jokorinti 15:20

Do ateteni koyaruno Kirisito kikom jo oto, en ebedo bala anyakini me agege me jo oto.

Iswilia 26:10

Nan ango akelo ne Rwot gikame emia ki lobo noni, en cam kocako cek i poto na.’ “Di do in iko cibo ebukit nono i nyim Rwot Rubanga ni di iko wore.

Gianyuta 14:4

Gin en cuo kalikame omunaun kede mito mon, pien gin kigwokere likame kibilo timo mit. Gin nakanaka kilubo Katin Romo kabedere dedede kame en eoto iye. Jo nogi en kame kolako kikom jo dedede, pi bedo bala dul me agege me kac kame komio but Rubanga kede but Katin Romo.