Jolebi 2:11 - Baibuli I Leb Kumam 2013

¹¹ Giayala dedede me alos kame kotie tero i nyim Rwot poore bedo abongo arup; pien likame ipoore keto arup amoto mokic i kom giayala awanga but Rwot.

Jolebi 2:11 Iomraidhean Croise

Yai 23:18

“Likame ibinunu mina giayala me leini karacel kede giamia me mugati kame arup tie iye. Mo me leini kame koyalo buta i kare me ibagai nogi miero kur buti.

Yai 29:25

Di do in iko bino gamo gi ki cing gi, di iko wango gi i wi alutari medo i kom giayala awanga kame ngwe kur buta.

Yai 34:25

“Likame ibinunu mino giayala me mugati kame kotimo kede arup ka itienu mina giayala angola, doko likame ibinunu mino ringo moro me le kame kongolo me camo Ebaga me Kalamo buto tuno odiko me ceng alubo.

Agole 24:13

Atin na, cam mokic, pien eber. Doko bala kame mokic kame ton i apien mere winyiwinyi kede i lebi,

Agole 25:16

Ka iudo mokic, cam kame romi kenekene, pien ka iko camo kame kalamo, ibino ngoke.

Agole 25:27

Camo mokic atot twatwal likame ber, arabo mito be jo di bedo pwoni nakanaka.

Jolebi 1:13

Do miero lwok amontena kede tiene. Di ngasaseredoti atie telo tic ko wango kom giayala nono dedede i wi alutari di yiro mere ko duny. Ngwece me giayala awanga nono yomo cuny Rwot.

Jolebi 6:10

Di do ngasaseredoti ko ngapo epale acek aliamaliam me yie kede ekanso aliamaliam di eko jobo buru me giayala kowang i wi alutari nono, di eko kete piny i nget alutari.

Matayo 16:6

Yesu oko waco ne gi be, “Gwokerenu ki arup me Iparisayon kede me Isadukayon.”

Marako 8:15

Di Yesu oko kwenyaro gi pi gwokere kikom arup me Iparisayon kede arup ka Erode.

Luka 12:1

I kare no di ekodet me jo kame oudo romo tutumian kede tutumian ocokere karacel, kame oko mino oudo do kitie nyonyono jo icegun; me agege mere, Yesu oko cako waco ne josiao mege be, “Gwokerenu kikom arup me Iparisayon, kame obedo ecuke gi.

Luka 21:34

“Do poore igwokerenu, me wek kur doko idonyunu keto cunyu itek i kom cam kede amera kede par pi kuo me i kare ni, di ceng no ko bino ngoole mako wu

Tice 14:22

Gin oudo kimio tekcuny but jo koyei Kirisito di kikwao gi pi dong di kitek i yei. Doko di kiwaco ne gi be, “Wan miero obeunu i peko atot pi donyo i Ajakanut ka Rubanga.”

Jogalatia 5:9

Arup atitidi me mugati romo mino alos lung kame konyongo buuno.

1 Petero 4:2

me wek itiekunu kare me kuo wu kame odong i wi lobo kan di likame bobo ilubunu mit me kom, do di ilubunu mit ka Rubanga.