Jolebi 2:1 - Baibuli I Leb Kumam 2013

¹ Ka ngatamoro mito yalo Rwot kede alos, miero kong eriege eko doko alos kame konungo. Di do en eko onyo iye mo me olibeti, di eko keto iye odok angwe kur,

Jolebi 2:1 Iomraidhean Croise

Yai 29:2

Tim mugati kame arup li iye, kede mugati kame arup li iye kame kotedo kede mo, kede mugati aperepere kame kosuto kede mo. In ibino timo gi kede engano kame konungo.

Isaya 43:23

Wun likame oudo ikelunu na giayala awanga me romini, arabo imianu wor kede giayala ace me leini. Ango oudo likame abedo lolo wu pi mito giayala, arabo olo wu pi odok angwe kur.

Isaya 66:20

Gin kibino kelo imiegu wu dedede kidwoko gi ki lobere dedede bala giamia buta. Gin kibino kelo gi Yerusalem i moru na kacil di kiwanano asigiran, pundan, kede aguraguran, jo ace di tie i wi cabalan. Ebino bedo cal bala kame jo me Isirael kelo kede giayala gi me alos i Tempulo di kiketo gi i gimak acil.

Esekeri 46:20

di eko waco na be, “Mano en kakame josaseredoti bino donyo tedo kiye ringo me giayala me kwanyo dub, arabo me giayala me timo cul, amoto giayala me alos. Etie kamanono tetekeny kur ter gimoro kobedo gikacil i diakal aoko di cengemogo jo ko udo peko pi mule.”

Yoweri 1:9

Giamia me alos kede me amata kame komio i ot ka Rwot otieko doko li. Josaseredoti kok, jotic ka Rwot kok pien gin kili kede giayala.

Yoweri 2:14

Ngai nat kame ngeo ka en likame ebino lokere di eko gonyo cunye, di eko mino wu winyo, me bedo tie kede alos kede giamata kame romo, di do wun ikounu bino mino giayala but Rwot Rubanga wu.

Jolebi 14:10

I ceng me kanyauni en eko bino kelo romini are acuo, kalikame tie kede peko moro i kom gi, kede oromo akaale me mwaka acel kalikame tie kede peko moro i kome, kilo adek me alos kame konyongo kede mo me olibeti, kede mo me olibeti anoko dul lita.

Jolebi 24:7

Ibino keto i eroto acelacel odok acil kame kodunyo ngwe kur, pi bedo bala anen me giayala awanga kame komio buta, kawang mugati.

Jolebi 5:11

Do ka dano ngacan likame esobolo kwanyo amam are amoto ilukei are, en ebino tero kilo acel me alos kame konungo kiber bala giayala mere me kwanyo dub. Likame ebino keto iye mo me olibeti amoto odok angwe kur, pien manono obedo giayala me kwanyo dub.

Jolebi 6:7

Ngasaseredoti ko bino mino giayala me kwanyo dub kame dano nono otimo, di Rubanga ko sasiro en.

Jolebi 9:17

Eko bobo da mino giayala me alos, di eko juko alos pong cinge di eko wange i wi alutari, manoni oudo tie medo i wi maca kame kowango ceng dedede odiko.

Jolebi 9:4

Kikwany da twon kede emerekek pi bedo giayala me nywak. Gin kipoore yalo gi karacel kede giayala me alos kame konyongo kede mo, pien Rwot bino neeno but gi i ceng me tin.”

Malaki 1:11

Cako ki bad tetu kide tuno i bad tetu poto ceng, atekerin dedede mia wor. I kabedere dedede gin kiwango odok angwe kur me yala, kede giayala apat kame poore. Gin dedede kimia wor!

Wel 18:9

Kikom jamini kalikame kowango, kacil kalamo, magi bino bedo megu: giayala me alos, giayala me kwanyo dub, kede giayala me timo cul. Gi dedede kame kokelo buta bala giayala kacil obedo meri kede awobe ni.

Wel 28:5

Giayala acelacel kobino yalo karacel kede kilo acel me alos kinunga, kame konyalo kede lita acel me mo me olibeti kame ber adikinicel.

Wel 29:18

Kobino mino giayala nogi karacel kede giayala apat dedede bala kame kotimo i ceng me agege.

Wel 8:8

Di do iko mino gi kikwany twon etobait kede giamia me alos kame konungo di konyonge kede mo; doko iko kwanyo twon etobait ace pi bedo giayala me kwanyo dub.

Yokana 6:35

Yesu oko waco ne gi be, “Ango en mugati me kuo; ngat kame bino buta kec likame bino neke, doko ngat kame yei ango orio likame bino neke.

1 Yokana 2:20

Do Ngat Kacil otieko wiro wu kede Tipo Kacil, omio wun dedede itienu kede ngec.

1 Yokana 2:27

Do wun Tipo kame Kirisito omio wu tie i kuo wu, omio likame bobo emitere ne ngatamoro pi pwonyo wu. Pien Tipo mere pwonyo wun i kom gi dedede, gikame tie me ateni do weko me angalo. Bala kame en etieko pwonyo wu kede, bedunu i Kirisito.

Yuda 1:20

Do wun, jo na kame amaro, meedenu kede dongo di icungunu i yei wu kacil. Legunu kede twer me Tipo Kacil.

Gianyuta 8:3

Di malaika ace oko bino di eko cungo i nyim alutari di emako gi me dunyo bubani. Di oko mine bubani atot pi yalo karacel kede ilega me jokacil i alutari kame kotimo kede saabu, kame cungo i nyim kom me ajakanut.