Jolebi 19:5 - Baibuli I Leb Kumam 2013

⁵ “Kame ingolunu le bala giayala me nywak, lubunu iswilia kame ango atieko mino wu tetekeny ango agam giayala nono.

Jolebi 19:5 Iomraidhean Croise

2 Iyutun 31:2

Abaka Esekia oko popoko josaseredoti kede Jolebi i ikodeta, di lubere kede tice gi. Tice kame en emio josaseredoti kede Jolebi gin en, mino giayala awanga kede giayala me nywak, woro Rubanga i tempulo kede mino pwoc kede pak i irutei me tempulo.

Yai 24:5

En eko cwano awobe, di gin kiko mino giayala awanga kede kiko mino twonin but Rwot bala giayala me nywak.

Esekeri 46:12

“Kame ngat atie i pug mito mino giayala buta i mit mere kene, cengemogo giayala awanga amoto giayala me nywak, kobino yabo ne erute me bad tetu kide adonyo i diakal me yie. En eko bino mino giayala mere bala kame etimo kede i ceng Sabato, di oko bino bobo cego ekeko me erute ka en etieko wok ooko.”

Esekeri 46:2

Ngat atie i pug bino wok ki diakal aoko di eko donyo i agola me kabeo atie i erute me yie, di eko cungo i nget ipirin me erute, di ngasaseredoti tie mino giayala awanga kede giayala me nywak. Ngapug nono bino dong luro wie i erute kanono pi wora di eko bobo dok ooko, do likame kobino cego erute nono paka tuno otieno.

Jolebi 1:3

Ka dano tie mino giayala awanga me diang, miero ebed twon kame li kede peko moro i kome. Poore en etere i ekeko me Eema me ariamakin kede Rwot, tetekeny Rwot gam giayala nono kawang dano nono.

Jolebi 19:4

“Kur ilokerenu woro caljwogi arabo itimunu cal mogo kede nyonyo di ikounu woro gi. Ango en Rwot Rubanga wu.

Jolebi 19:6

Ringo nono miero kocame i ceng kame koneko iye le nono, arabo i ceng kame lubo mere. Ringo moro kame bino dong tuno i ceng me adek miero kowange.

Jolebi 22:19

ango abino game ka ebedo twon, emerekek arabo ekoroi, kame li kede peko moro i kome.

Jolebi 22:21

Ka ngatamoro oko mino giayala me nywak buta, pi cobo kwongere kame en oudo etimo arabo bala giayala me bercuny, ango abino game ka likame etie kede peko moro i kome.

Jolebi 22:23

Twon arabo oromo moro kame tiene bocoboco twatwal, arabo kame tiene cegocego twatwal wun ikarununu mino gi bala giayala me bercuny; do ka pi cobo kwongere, ango Rwot likame abino game.

Jolebi 22:29

Ka imiunu giayala me pwoc buta, ibinunu lubo iswilia kame mitere tetekeny ango ako game.

Jolebi 7:16

Ka dano otero giayala me nywak pi cobo isikan mere, arabo bala giayala kame en ekwanyo i mit mere kene, kobino came i ceng kame koyale kede, do donge mere oko bino camo oru mere.

Jolebi 7:18

Ka ocamo ringo me giayala nono i ceng me adek, Rubanga likame bino gamo giayala ka dano nono, doko da likame kobino tero be en emio gimoro; do manono bino bedo bala gi me kwer, ngat kame came bino bedo kede raco.