Jolebi 19:3 - Baibuli I Leb Kumam 2013

³ Ngat acelacel miero mi toto mere kede papa mere wor, doko miero igwokunu ceng Sabato na. Ango en Rwot Rubanga wu.

Jolebi 19:3 Iomraidhean Croise

Ageini 48:12

Di do Yosepu oko kwanyo gi ki tien Yakobo di eko riebere piny i nyim papa mere.

Nekemia 9:14

In bin ipwonyo gi gwoko Sabato ni kacil, di iko mino ngatic ni Musa omio gi cik, pwony kede iswilia ni.

Yai 16:29

Nenunu, ango Rwot atieko mino wu ceng Sabato me wei, pi manono, i ceng me kanyape ango abino donyo mino wu cam amako ceng are. Ngat acelacel poore dong bedo kakame etie iye i ceng me kanyaare, likame epoore yai ot tenge.”

Yai 20:12

“Wor papa ni kede toto ni, tetekeny ibed kuo pi kare alac i lobo kame ango Rwot Rubanga wu abino mino wu.

Yai 20:8

“Yutuno ceng Sabato, doko mie ebed ceng kacil.

Yai 21:15

“Ngat kame juto papa mere amoto toto mere miero neke.

Yai 21:17

“Ngat kame lamo papa mere amoto toto mere, kopoore neke.

Agole 1:8

Atin na, winy acora kame papa ni mii, doko kur idagi winyo pwony ka toto ni,

Agole 23:22

Winy papa ni ngat konywali, doko kur icai toto ni kame etieko ti.

Agole 30:11

Tie jo kame lamo papi gi doko da likame kipwoyo toti gi.

Agole 30:17

Ngat kame nyero papa mere arabo kame cao toto mere, agak me aditot bino golo wange, arabo acut bino came.

Isaya 58:13

Rwot waco be, “Ka wun iterunu Sabato bala gikacil di likame imounu gikame ber piru kenu i ceng kacil nono; ka wun iterunu Sabato bala ceng me yomcuny, kede bala ceng kacil ka Rwot, ceng me awora kalikame poore lubo iye mit me cunyu kenu, arabo mono gikame mako wu kenu, arabo yamo atatai,

Esekeri 20:12

Medo i wi manono, ango ako mino gin gwoko Sabato na bala gianena me winyere nango kede gin, tetekeny gin kibed yutuno be ango Rwot en kame amio gin kibedo jokacil.

Jolebi 11:44

Ango en Rwot Rubanga wu; lonyerenu ikounu bedo jokacil, pien ango ngat kacil.

Jolebi 19:25

Do i mwaka me kany mere wun do ikounu karuno camo anyakini me yen nogo. Ka itimunu kamano, yen wu bino nyak twatwal. Ango en Rwot Rubanga wu.

Jolebi 19:30

Ibinunu gwoko Sabato na, di ikounu mino kabedo na kacil wor. Ango en Rwot.

Jolebi 19:31

“Kur ilokerenu ot mono tam kibut imuroko lango arabo jojwogi, pien gin kibino munao wu. Ango en Rwot Rubanga wu.

Jolebi 19:34

Ibinunu tero gi bala jo wadu me Isirael. Ibinunu maro gi bala kame imarerenu kede kenu kenu, pien wuda oudo ibedunu jokumbor i lobo me Misiri. Ango en Rwot Rubanga wu.

Jolebi 23:3

Wun ibinunu timo tice wu pi ceng kanyape; do ceng me kanyaare obedo ceng Sabato, ceng me wei, doko en ceng me cokere kacil. Likame ibinunu timo tic moro iye; en ebedo Sabato ka Rwot i kakame wun ibedunu iye dedede.

Jolebi 26:2

Ibinunu gwoko Sabato na, di ikounu mino kabedo na kacil wor. Ango en Rwot.

Malaki 1:6

Rwot waco ne josaseredoti be, “Atin mio wor but papa mere, ngatic da mio wor but ngadwong mere. Ka ango en papa wu, pinyo kamio likame imianu wor? Doko ka ango en ngadwong wu, pinyo kamio likame imianu wor? Wun icaanu, do di doko ipenyerenu be, ‘Kara wan ocai i yore mene?’

Iswilia 27:16

“ ‘Ilam ka Rubanga mak dano kalikame tie kede wor but papa mere amoto toto mere.’ “Jo dedede ko bino dwoko be, ‘Amen!’

Iswilia 5:16

“ ‘Poore dano acelacel wor papa mere kede toto mere, bala kame ango Rwot Rubanga wu aciko ne wu, tetekeny gi dedede bed ne wu kiber di ikounu tieko kare kalac i lobo kame ango atie mino wu.

Iburanian 12:9

Aso, joapapi wa me piny kan oudo bitaro wa di wan okounu bedo kede wor but gi. Mam akalamo mere miero do ojalerenu i loc ka Papa wa me cuny di okounu kuo?