Jolebi 19:10 - Baibuli I Leb Kumam 2013

¹⁰ Likame ibinunu ngwedo olok wu pitipit ki poti, arabo medo dok i poto me olok pi nyogao depo olok kame oudo opopoto; ibinunu weko gi ne jocan kede jokumbor. Ango en Rwot Rubanga wu.

Jolebi 19:10 Iomraidhean Croise

Isaya 17:6

Jo anonok kenekene en kame bino dong; Isirael bino bedo cal bala yat olibeti kame kotengo anyakini mege kede ebela, di anyakini are amoto adek mogo en ako dong i wie malo, arabo anyakini ongwon amoto kany mogo en ako dong i jange me pipiny; ango Rwot Rubanga me Isirael en awaco.”

Isaya 24:13

Manoni en gikame bino timere ne atekerin dedede atie i wi lobo. Ebino bedo bala i kare me ngwedo olok, bala kame kotieko tengo anyakini me olok dedede piny, di oko donyo dedepo anyakini acelacel kodong malo.

Yeremia 49:9

Benyo, ka jongwed olok obino buti, mam kingwedo olok di kiko weko mogo dong? Akadi jokuwo da ka obino iwor, gida kiyako jamini kame gin oudo kimito kenekene.

Jolebi 11:44

Ango en Rwot Rubanga wu; lonyerenu ikounu bedo jokacil, pien ango ngat kacil.

Jolebi 19:11

“Kur ikwalunu gimoro; kur iserunu jo; doko kur ingalerenu kenu kenu.

Jolebi 19:25

Do i mwaka me kany mere wun do ikounu karuno camo anyakini me yen nogo. Ka itimunu kamano, yen wu bino nyak twatwal. Ango en Rwot Rubanga wu.

Jolebi 19:9

“Kame itienu kwanyo cam ki poti wu, kur ikwanyunu cam kame tie ilak poti, doko kur idokunu nyogao depo cam kodong i poti.

Jolebi 23:22

Kame icokunu cam wu ki poti, likame ibinunu kwanyo kiton cam me lak poti, arabo dok nyogao kwanyo cam kame oudo odong i poti. Ibinunu weko gi ne jocan kede jokumbor. Ango en Rwot Rubanga wu.

Jolebi 25:6

Wun ikarununu camo cam kame bino cek i mwaka nono, wun karacel kede ipasoi wu, jotic wu kame ipangunu apanga kede jokumbor kame bedo kede wu,

Obadia 1:5

“Ka jokuwo oko bino iwor di gin kiko yak, gin kitero gikame gin oudo kimito kenekene. Ka jo ngwedo olok, mam kiweko mogo? Do wun jokwor wu bino tieko wu pitipit.

Mika 7:1

Okwe can! Ango atieko doko cal bala dano kame kec oneko di eko ot mono anyakini i wi yat, di likame eko udo moro, pien jo otieko raro olok koudo odong. Likame tie abunge moro me olok arabo anyakini moro me epigi kame cunya oudo mito ngwedo.

Iswilia 24:19

“Ka in ioto i poto nyaro engano di wi oko wil kede abunge moro kame itieko nyaro, likame ipoore dok i poto ot ome; manono bino dong ne jokumbor, idwe kic kede apuserun, tetekeny Rwot Rubanga ni mi winyo i gi dedede kame in itimo.

Iswilia 24:20

Ka ioto i poto ngwedo anyakini me olibeti tien me agege, kur bobo i dok i poto ngwedo anyakini kodong; magonogo poore dong ne jokumbor, idwe kic kede ne apuserun.

Iswilia 24:21

Ka ioto i poto ngwedo olok ni tien me agege, kur bobo i dok i poto tien me are pi ngwedo anyakini kodong; magonogo poore dong ne jokumbor, idwe kic kede ne apuserun.

Jongolkop 8:2

Do en eko waco negi be, “Gikame ango ako timo likame kokaruno poro kede gikame wun itiekunu timo. Iparunu be raro olok kame jo Epuraimu otimo likame ber kalamo ngwedo olok kame jo Abieser otimo?

Lusi 2:2

Ceng moro acel Lusi oko waco ne Naomi be, “Yei na aoti i poto di ako donyo depo wit mawele kicen ngei ngatic moro kame kisa bino make keda.” Naomi oko dwoko be, “Nyara, ot gire.”