Jolebi 18:5 - Baibuli I Leb Kumam 2013

⁵ Miero ilubunu cik kede iswilia nango; ngat kame lubo gi bino kuo. Ango en Rwot.

Jolebi 18:5 Iomraidhean Croise

Nekemia 9:29

In bin iko kwenyaro gi pi dwoko gi lubo iswil ni, do gin kiko wakere di kiko dagi lubo cik nin, gin kibedo turo Iswil ni, aso di en ebedo yongayo kame tero jo i kuo. Gin kiko timo epali di kiko meede dagi lubo Iswil nin.

Yai 6:2

Rubanga oko waco ne Musa be, “Ango en Rwot.

Yai 6:29

en ewaco ne be, “Ango en Rwot; wac ne Parao me Misiri gi dedede kame ango awaco ni.”

Yai 6:6

Pi manono, oti iwace jo me Isirael be, ‘Ango en Rwot, abino gonyo wu ki tice atek kame jo me Misiri dio wu timo, di ako lako wu ki bedo ipasoi gi. Abino lako wu kede twer na adwong kame bino timo tice me aura pi mino gi alola.

Isaya 55:3

“Cikunu yitu di ikounu bino buta; winyunu, tetekeny ibedunu kuo. Ango abino timo kede wu isikan kame bedo nakanaka, isikan me amara na kalikame lokere, kede kame genere, kame bin amio Daudi.

Esekeri 18:9

ka en elubo cik na kede di egwoko iswilia na, di etie kede genere buta, akodi dano nono en dano kopoore; ateteni en ebino bedo kuo.” Rwot Rubanga en owaco.

Esekeri 20:11

Ango ako mino gin cik na, kede ako mino gin kingeo iswilia na, gikame mio jo dedede kame lubo gi bedo kuo.

Esekeri 20:13

Do jo Isirael oko jemo na i wi tim. Gin kiko turo iswilia na di kiko dagi lubo cik na, gikame mio jo dedede kame lubo gi bedo kuo. Gin kiko pwoko Sabato na atwal atwala. Di do ango ako bedo kede tam be koto abwoto lilo na i kom gi i wi tim kunono di ako muducaro gi atwal.

Esekeri 20:21

“Do lwak nono da oko jemo na. Gin likame kilubo iswilia na, akadi cik na da likame kigwoko, iswilia kede cik kame mio jo dedede kame lubo gi bedo kuo. Gin kipwoko Sabato na. Ango ako tamo be koto abwoto lilo na i kom gi di ako mino gi alola i wi tim.

Jolebi 18:6

“Likame ngatamoro kikomu poore ot but dano kame obedo wad gi kiyapiyapi pi buto kede bala dako kede icuo. Ango en Rwot.

Malaki 3:6

“Ango en Rwot, doko ango likame alokere. Manono en komio pwodi likame itiekunu, wun ikwae ka Yakobo.

Matayo 19:17

Yesu oko penye be, “Pinyo bo komio ipenya i kom kop kame mako gikaber? Ngat acel kenekene en kame ber. Ka imito donyo i kuo kame bedo nakanaka, poore igwok cik ka Rubanga.”

Luka 10:28

Yesu oko dwoko ne be, “Idwoko kiber; nan ida do tim kamanono di iko bino kuo.”

Joroma 10:5

Musa owandiko be, dano kame doko ngat kopoore pien etimo gikame Iswil mito, bino kuo pi Iswil.

Joroma 7:10

Cik nono kame oudo poore kelo kuo oko doko gikame kelo nango to.

Jogalatia 3:12

Do Iswil likame cungo i yei, pien kowandiko be, “Ngat kame timo gi dedede kame Iswil mito bino kuo pirgi.”

Iswilia 30:20

Marunu Rwot Rubanga wu, lubunu kope mege, bedunu jo agenere bute, di wun karacel kede ikwae wu ikounu bino bedo kuo pi kare alac i lobo kame bin Rwot ocikere pi mino joakwari wu: Aburaam, Isaka kede Yakobo.”

Iswilia 30:6

En ebino mino cunyu kede cuny ikwae wu bedo kede wor bute, tetekeny wun ikounu bino mare kede cunyu lung, kede kuo wu lung, di ikounu bino kuo.

Iswilia 4:1

Di do Musa oko waco ne jo be, “Jo me Isirael, lubunu iswilia kede cik kame ango atie pwonyo wu pi gwoko, tetekeny ibedunu kuo di ikounu donyo i lobo kame Rwot Rubanga ka joakwari wu tie mino wu, di ikounu bedo iye.