Jolebi 18:2 - Baibuli I Leb Kumam 2013

² waco ne jo me Isirael be, “Ango en Rwot Rubanga wu.

Jolebi 18:2 Iomraidhean Croise

Ageini 17:7

Ango abino timo isikan na kame bedo nakanaka kedi, karacel kede ikwae ni me kare me anyim, naparo lwak gin lung, pi ango bedo Rubanga ni kede me ikwae ni me kare me anyim.

Sabuli 33:12

Etie kede yomcuny ateker kame Rubanga mere en Rwot, jo kame en etieko yero pi bedo mege.

Yai 20:2

“Ango en Rwot Rubanga wu, ngat kowoto wu ki lobo me Misiri, kakame oudo itienu iye ipasoi.

Yai 6:7

Abino mino wu ibedunu jo na di ango ako bino bedo Rubanga wu. Ibinunu ngeno be ango en Rwot Rubanga wu, ngat kogonyo wu ki tice atek kame jo me Misiri dio wu timo.

Esekeri 20:5

Wac negi gikame ango atie waco. I ceng kame ango bin ayero kede jo Isirael, ango anyutere but gi i lobo me Misiri, di ako lairo but gi be ango Rwot en kame abedo Rubanga gin.

Esekeri 20:7

Ango ako waco negi be ngat acelacel poore lwom tenge caljwogi mere, di likame kiko munaun kede rubangan me Misiri, pien ango en abedo Rwot Rubanga gin.

Jolebi 11:44

Ango en Rwot Rubanga wu; lonyerenu ikounu bedo jokacil, pien ango ngat kacil.

Jolebi 18:1

Rwot oko waco ne Musa pi

Jolebi 18:30

“Aso, poore igwokunu gikame ango aciko ne wu di likame ikounu timo tim areco nogi, kame oudo jo kame bedo i lobo nono di pwodi wun otimo, doko kur imunaununu kede tim nogo. Ango en Rwot Rubanga wu.”

Jolebi 18:4

Wun miero ilubunu iswilia nango di ikounu timo gikame ango aciko ne wu. Ango en Rwot Rubanga wu.

Jolebi 19:10

Likame ibinunu ngwedo olok wu pitipit ki poti, arabo medo dok i poto me olok pi nyogao depo olok kame oudo opopoto; ibinunu weko gi ne jocan kede jokumbor. Ango en Rwot Rubanga wu.

Jolebi 19:34

Ibinunu tero gi bala jo wadu me Isirael. Ibinunu maro gi bala kame imarerenu kede kenu kenu, pien wuda oudo ibedunu jokumbor i lobo me Misiri. Ango en Rwot Rubanga wu.

Jolebi 20:23

Likame ibinunu lubo gikame jo abedo kunono timo, jo kame ango atie riamo tenge tetekeny wun idonyunu i lobo nono. Pien tim gin nogo en omio cunya oko dagi gi.

Jolebi 20:7

Pi mano, kwererenu ikounu bedo jokacil, pien ango en Rwot Rubanga wu.