Jolebi 16:8 - Baibuli I Leb Kumam 2013

⁸ Di en eko bino uco alulu pi diegi are nogo, kidi me alulu acel bino cungo pi diel kame bino bedo me ka Rwot, do ocelu mere bino cungo pi diel kame bino bedo me ka Asasel.

Jolebi 16:8 Iomraidhean Croise

Agole 16:33

Dano uco alulu, do adwokini mere tie i cing Rwot kene.

Esekeri 48:29

Manoni en epone kame ibinunu popoko kede lobo i adulion ne jo me ikekon dedede me Isirael, ango Rwot en awaco.

Jolebi 16:10

do diel kame alulu oko mako pi bedo me ka Asasel kobino mine di ekuo but Rwot di oko riame eoto i wi tim but Asasel, tetekeny eter tenge dub me jo.

Jolebi 16:26

Icuo kame oudo oko tero diel ne Asasel i wi tim bino lwoko igoen mege di eko bol kede pii, en amio eko dok but jo i kimere.

Jolebi 16:7

Di do en eko bino tero diegi are nogo di eko keto gi i nyim Rwot, i nyim ekeko me Eema me Ariamakin kede Rwot.

Jolebi 16:9

Aaron bino tero diel kame alulu omako pi bedo me ka Rwot di eko mine bala giayala me kwanyo dub;

Yona 1:7

Jokwang oko donyo yamo ken gi ken gi be, “Bianu olamunu gagi tetekeny ongeunu ngat komio can noni opoto i kom wa.” Gin kiko lamo gagi di gagi oko nyuto Yona.

Wel 26:55

Do lobo nono in ibino popoko en kede alulu, di gin kiko donyo iye pi doko mergi di lubere kede nying kwaru me ekeko acelacel.

Wel 33:54

Wun ibinunu popoko lobo nono kede alulu, di lubere kede rom me jo me ekeko acelacel. Ekeko kame jo tot iye ibinunu mino gin lobo alac, do ekeko kame jo mege nonok ibinunu mino gida lobo katitidi.