Jolebi 16:4 - Baibuli I Leb Kumam 2013

⁴ “Di pwodi likame en eoto kabedo kacil, en kong ebino bol, di do eko ngapo igoen me ngasaseredoti: esati abor aliamaliam, ipalen me yie, ausi ibatalal me pier kede egoe kame odwadwalo i wic.

Jolebi 16:4 Iomraidhean Croise

Yai 28:2

Ibino timo ne omini Aaron igoen me angapa acil kame kotubuso.

Yai 29:4

“Ibino kelo Aaron kede awobe mege i ekeko me Eema na di iko mino gi kibol.

Yai 30:20

I kare kame gin kidonyo kede i yi Eema me riamo keda, arabo kame gin kioto kede i alutari pi timo tic me mino giayala awanga buta, gin kong kibino lwokere kede pii nono, tetekeny kur kitoi.

Yai 40:12

“In ibino kelo Aaron kede awobe mege i nyim ekeko me Eema me ariamakin keda, di iko lwoko gi kede pii,

Isaya 53:2

Oudo ebedo mit ka Rwot pi ngatic mere dongo i nyime bala yat kame pwodi dongo adonga, kede bala alias kame wok kakotuo. En oudo erarac doko eli kede ruom kame koto mi wa opar pi nene, likame tie gimoro kame oudo romo wano tam wa i kome.

Esekeri 44:19

Kame gin kitie ot i diakal aoko but jo, gin kibino gonyo igoen kame oudo kitie tic kede i yi tempulo di kiko weko gi i agolai kacil. Di do gin kiko ngapo igoen apat, tetekeny kur ngatamoro mak egoe kacil di eko udo peko.

Esekeri 9:2

Cuo kanyape oko wok ki tetu erute me bad tetu malo, ngat acelacel oudo mako gi me yi mere. Icuo moro kongapo igoen apwot di kimeny oudo tie kede gi, di emako jamini me iwandik. Gin dedede kiko donyo i diakal me ot ka Rwot di kiko cungo i nget alutari kame kotimo kede nyonyo buronsi.

Jolebi 16:23

“Di do Aaron ko bino donyo bobo i Eema, di eko gonyo igoen me ngasaseredoti kame oudo en engapo di eoto Kabedo Kacil Kalamo; en eko bino weko gi kunono.

Jolebi 16:24

En ebino bol kede pii i kabedo kacil, di eko ngapo igoen mege amake; di do eko donyo ooko eko mino giayala awanga meren kede giayala awanga me jo, pi kwanyo dub mege kede dub me jo.

Jolebi 16:32

Ngatel me Josaseredoti kame kowiro di oko kwero pi lunyo wang papa mere poore tim pwola me kwanyo dub. En ebino ngapo igoen me ngasaseredoti

Jolebi 6:10

Di do ngasaseredoti ko ngapo epale acek aliamaliam me yie kede ekanso aliamaliam di eko jobo buru me giayala kowang i wi alutari nono, di eko kete piny i nget alutari.

Jolebi 6:3

arabo ka eyamo kop me abe i kom gimoro korwenyo di en eko udo, di elairo ilair me abe i kom dub acal kamagonogi kame en etimo.

Luka 1:35

Di malaika oko dwoko ne be, “Tipo Kacil oyaro bino i komi, di twer ka Ngamalo Twal ko bino umi; pi mano, atin kacil kame koyaro nywalo nono kobino lwonge be Wot ka Rubanga.

Jopilipi 2:7

En emwolere, di eko bedo bala ngatic kame konywalo i cal me dano.

Iburanian 10:22

wek do onyikunu but Rubanga kede cuny me ateni kede yei kame genere, di otienu kede cuny kotieko lonyere ki ngec me timo gikarac kede di kotieko lwoko kom wa kede pii acil.

Iburanian 2:14

Bala kame jo obedo giacwea kame tie kede remo kede ringo, Yesu da kikome oko nywako cal gi nono, tetekeny pi to mere wek eloi Sitani ngat kame tie kede twer me kelo to,

Iburanian 7:26

Pien oudo etie gikame poore, pi wan bedo kede Ngatel Josaseredoti kacal kamanoni, en ebedo ngat kacil, kame li kede raco moro arabo dub moro, kame kopoko tenge kibut jodubo di oko tinge kotere malo.