Jolebi 16:2 - Baibuli I Leb Kumam 2013

² Rwot oko waco ne Musa be, “Wace omini Aaron kur ebed dodonyo kabedo kacil esawa moroni kenekene, i yi isenge i nyim kom me kisa kame tie i wi Sanduku me Isikan, piento kanono en kame ango aneeno iye i edou. Aso ka li, ebino to.

Jolebi 16:2 Iomraidhean Croise

1 Abakai 6:16

Agola me yie, kame oudo kolwongo be Kabedo Kacil Kalamo bin oko gero i tielo me ot kede ibaon abatal me yen seda, cako ki piny tuno malo i wi ot. Boro mere oudo tie mita kanyangon.

1 Abakai 8:6

Di do josaseredoti oko tingo Sanduku me Isikan kiko tere kabedo mere, i Kabedo Kacil Kalamo, i dud bwom cerubim.

Yai 30:10

Mwaka acelacel tien acel, Aaron bino timo pwola me lonyo alutari di esuto i iswonge ongwon dedede remo me leini kame kongolo pi bedo giayala me kwanyo dub. Kobino timo kamanoni buli mwaka, pi kare dedede. Alutari noni bino bedo gikacil adikinicel kame komio buta.”

Jolebi 16:13

En eko bino keto odok angwe kur nono i mac i nyim Rwot, di yiro mere ko umo kom me kisa kame tie i wi Sanduku me Isikan, tetekeny kur en enen kom nono di eko to.

Jolebi 16:34

Manoni en iswil kame wun ibinunu lubo pi kare lung me anyim. Ibinunu timo pwola noni tien acel buli mwaka pi lonyo jo me Isirael ki dub gi dedede.” Aso, Musa oko timo bala kame oudo Rwot ociko ne.

Jolebi 8:35

Ibinunu dong bedo i ekeko me Eema me riamo iwor kede iceng pi ceng kanyaare, di itimunu gikame Rwot ociko, ka li ibinunu to; manoni en gikame Rwot ociko na.”

Wel 17:10

Di Rwot oko waco ne Musa be, “Dwok ebela ka Aaron i nyim Sanduku me Isikan. En miero gwoke bala gi me ikwenyar but jo me Isirael kame jojemo be, kibino to kwanyo di gin kijiko ingungur i koma.”

Wel 18:7

Do in kede awobe ni kenekene en kame ibinunu timo tic wu me josaseredoti kame mako alutari kede Kabedo Kacil Kalamo. Tic wu bala josaseredoti obedo giamia na butu; dano moro apat kame bino noko jamini kacil, kobino neke.”

Wel 4:5

“Kame kare otuno me dako kimere, Aaron kede awobe mege bino gonyo esuka kame galao kakame Sanduku me Isikan tie iye, di gin kiko umo Sanduku kede egoe nono.

Matayo 27:51

Kikano, egoe kame bin poko isenge me tempulo oko yec cako ki malo tuno piny, piny oko yangere, di lela oko belubelun.

Iburanian 6:19

Wan otienu kede gen noni bala gikame gwoko kuo wa. En etie gen me ateni doko likame eyangere, en gen kame pororo kalamo egoe kame poko yi tempulo di eko tuno kabedo kacil,

Iburanian 9:25

Likame en etie kuno pi yalere but Rubanga nakanaka, bala kame Ngatel Josaseredoti donyo kede Kabedo Kacil Kalamo mwaka acelacel kede remo kalikame obedo mere;

Iburanian 9:3

Ingei egoe me are mere kame poko isenge, oudo tie iye taberenakol kame kolwongo be Kabedo Kacil Kalamo.

Iburanian 9:5

Malo i wi sanduku nono oudo tie iye Cerubim me deyo, kame oudo umo kabedo me kisa. Do wan nataman likame otwero tatamo kop i kom gi nogi i yore i yore.

Gianyuta 15:8

Yiro kame wok ki deyo ka Rubanga kede ki twer mere oko pong i yi tempulo, doko oudo likame tie ngatamoro kame karuno donyo iye tuno kede di alola kanyaare kame imalaikan kanyaare ka oudo okelo otiek.