Jolebi 13:8 - Baibuli I Leb Kumam 2013

⁸ Ngasaseredoti bino ngingico en; ka en eko udo be tuwo nono onyai i delkome, ngasaseredoti bino waco kakaler be dano nono obedo ngat kopwokere; manono udo obedo tuwo arac me delkom.

Jolebi 13:8 Iomraidhean Croise

Jolebi 13:2

Ka ngatamoro tie kede gimoro koluro i kome, arabo giakwoti, arabo karamoro akokolo, di gi nono twero nyai di eko doko tuwo arac me delkom, poore tere but ngasaseredoti moro kikom Aaron kede awobe mege.

Jolebi 13:3

Ngasaseredoti bino ngico tuwo kame tie i kome nono; ka eko udo be yer me kakame tuwo nono omako odoko tar, doko di ecamo delkome paka donyo i yie, en ebino ngeno be manono obedo tuwo arac me delkom; ingei ngingico en, ngasaseredoti bino tuco kakaler be dano nono obedo dano kopwokere.

Jolebi 13:7

Do ka tuwo nono oko bobo cere i cen ngei ngasaseredoti waco kakaler be dano nono obedo ngat kame li kede pwokere, en miero bobo edok but ngasaseredoti ot ngingico en.

Jolebi 13:9

Ka dano moro tie kede tuwo arac i delkome, kopoore tere but ngasaseredoti,

Wel 5:2

“Cik jo me Isirael pi poko tenge ki kimere gi jo dedede kame tie kede tuwo me delkom, arabo kame tie kede pige kame cwer ki kom gi, arabo jo komulo kom gi oto.

Tice 8:21

In ili kede gikame ipoore timo arabo dul kame kopoko ni i tic wan noni, pien cunyi likame opoore i nyim Rubanga.

2 Petero 2:19

Gin kimio jo nogo cikere kame waco be kibino bedo jo kogonyere, do di gin ikom gi kibedo ipasoi me gikame dudubo gi; pien ka gimoro bwono teko me dano, udo dano nono odoko epasoit me gi nono.