Jolebi 13:7 - Baibuli I Leb Kumam 2013

⁷ Do ka tuwo nono oko bobo cere i cen ngei ngasaseredoti waco kakaler be dano nono obedo ngat kame li kede pwokere, en miero bobo edok but ngasaseredoti ot ngingico en.

Jolebi 13:7 Iomraidhean Croise

Sabuli 38:3

Ringo me koma li kede yotkom pi wangcuny nin; dub na omio cogere na li kede yoto.

Jolebi 13:2

Ka ngatamoro tie kede gimoro koluro i kome, arabo giakwoti, arabo karamoro akokolo, di gi nono twero nyai di eko doko tuwo arac me delkom, poore tere but ngasaseredoti moro kikom Aaron kede awobe mege.

Jolebi 13:27

Ngasaseredoti ko bino ngingico en i ceng me kanyaare; ka eko udo kanono tie medo nyai, en ebino tuco kakaler be dano nono obedo dano kopwokere. Manono udo obedo tuwo arac me delkom.

Jolebi 13:6

Di ngasaseredoti ko bino bobo ngingico en i ceng me kanyaare; ka en eko udo be tuwo nono odok cen likame enyai i delkome, en ebino tuco kakaler be dano nono obedo dano kame li kede pwokere, pien udo manono obedo tuwo me buge kenekene. Di do dano nono ko bino lwoko igoen mege di eko bedo dano kame li kede pwokere.

Jolebi 13:8

Ngasaseredoti bino ngingico en; ka en eko udo be tuwo nono onyai i delkome, ngasaseredoti bino waco kakaler be dano nono obedo ngat kopwokere; manono udo obedo tuwo arac me delkom.

Jolebi 14:39

Di en eko bino bobo dwogo i ceng me kanyaare di eko medo ngingico en. Ka eko udo gi nono omedo nyai i apama me ot,