Jolebi 13:6 - Baibuli I Leb Kumam 2013

⁶ Di ngasaseredoti ko bino bobo ngingico en i ceng me kanyaare; ka en eko udo be tuwo nono odok cen likame enyai i delkome, en ebino tuco kakaler be dano nono obedo dano kame li kede pwokere, pien udo manono obedo tuwo me buge kenekene. Di do dano nono ko bino lwoko igoen mege di eko bedo dano kame li kede pwokere.

Jolebi 13:6 Iomraidhean Croise

1 Abakai 8:38

tim ber iwiny kwac gi. Ka ngatamoroni kenekene kikom jo ni me Isirael, arabo jo ni dedede me Isirael, kame tie kede cwercuny, oko lego di kirieo cing gi tetu ot noni,

1 Abakai 8:45

tim ber iwiny ilega kede ingangai gi i malo, di iko mino gi kibwon jokwor gi.

Sabuli 19:12

Do ngai kame karuno neno abucar mere en kene? Okwe Rwot sasiro ango ki raco na kame akwia.

Agole 20:9

Benyo, tie ngat kame karuno waco be, “Ango atieko mino cunya odoko cil; ango do ali kede dub moro”?

Ngarab kop 7:20

Ateteni likame tie ngatamoro kopoore i piny kan, kame timo gi kopoore esawa dedede abongo timo dub moro akadi acel.

Isaya 42:3

En likame ebino turo magada ka ogom arabo neko etala kame liel midumidu. En etie bino kelo tim kopoore.

Jolebi 11:25

Doko da ngat kame bino yeno ringo gi poore lwoko igoen mege di eko dong di en dano kopwokere tuno piny yuto.

Jolebi 11:28

doko ngat kame yeo kom gi ka kito poore lwoko igoen mege, di eko dong di en dano kopwokere tuno piny yuto.

Jolebi 11:40

Ka ngatamoro oko camo ringo me le nono, poore elwok igoen mege di eko dong di en dano kopwokere tuno piny yuto; doko da jo kame yeo kom le oto nono poore lwoko igoen gi di kiko dong di gin jo kopwokere tuno piny yuto.

Jolebi 13:2

Ka ngatamoro tie kede gimoro koluro i kome, arabo giakwoti, arabo karamoro akokolo, di gi nono twero nyai di eko doko tuwo arac me delkom, poore tere but ngasaseredoti moro kikom Aaron kede awobe mege.

Jolebi 13:5

Di ngasaseredoti ko bino ngingico en i ceng me kanyaare; ka en eko neno be tuwo nono pwodi tie kede cal mere nono, di likame enyai, ngasaseredoti bino medo bobo cege i ot pi ceng kanyaare.

Jolebi 13:7

Do ka tuwo nono oko bobo cere i cen ngei ngasaseredoti waco kakaler be dano nono obedo ngat kame li kede pwokere, en miero bobo edok but ngasaseredoti ot ngingico en.

Jolebi 14:8

Di dano nono ko lwoko igoen mege, di eko lielo wie, di eko bol; di do en eko bino doko ngat kame li kede pwokere. Ingei manono en ebino dok kakame kimere tie iye, do ebino tieko ceng kanyaare di likame edonyo i eema mere.

Joroma 14:1

Gamunu dano kame yei mere goro, do likame pi piem kede en i kom tam mere.

2 Jokorinti 7:1

Wun jo na kame amaro, bala kame otienu kede cikere nogi, wek olonyerenu ki gi dedede kame munao kom wa kede cuny wa, di okounu bedo jo kame lworo Rubanga, tetekeny odokunu jokacil atwal.

Iswilia 32:5

Do wun likame ibedunu jo kame genere bute, likame pwodi itienu idwe mege, wun ibedunu lwak kotieko dubere kede kalikame tie kede tim me ateni.

Iburanian 10:22

wek do onyikunu but Rubanga kede cuny me ateni kede yei kame genere, di otienu kede cuny kotieko lonyere ki ngec me timo gikarac kede di kotieko lwoko kom wa kede pii acil.

Iburanian 9:10

pien gin kimako kop i kom cam kede giamata, kede itok apapat me lonyere. Magi obedo iswilia kame makere kede kom, kame tie tic paka tuno i kare kame Rubanga bino timo kede alokaloka anyen.

Yakobo 3:2

Pien wan dedede ocetar, do ka tie ngat kalikame cetar i yamo mere, udo en etie dano aber kame da twero gwoko kome lung.