Jolebi 13:2 - Baibuli I Leb Kumam 2013

² Ka ngatamoro tie kede gimoro koluro i kome, arabo giakwoti, arabo karamoro akokolo, di gi nono twero nyai di eko doko tuwo arac me delkom, poore tere but ngasaseredoti moro kikom Aaron kede awobe mege.

Jolebi 13:2 Iomraidhean Croise

2 Samuel 3:29

Ango akwao be remo ka Abuneri bed i wi Joab, kede jo me ot ka papa mere dedede; doko akwao be jo me ot ka Joab kur bed abongo ngatamoro kame tie kede ecalo, arabo kame tie kede dobo, amoto kame obedo abwocit, arabo kame koneko kede epima, amoto kame ngakec!”

2 Abakai 5:1

Naman oudo obedo ngadwong me isirikalen me Siria. Abaka oudo mare adikinicel piento Rwot oudo otio kede en me mino Siria bwono yi. Bed bala en oudo ebedo ngayi atek, do oudo etie kede tuwo arac me delkom.

2 Abakai 5:27

Pi manono, tuwo me delkom Naman bino kobo nin kede ne ikwae ni pi kare dedede.” Aso, Gekasi oko yai ki kanono di tuwo me delkom otieko make, di do kome odoko tar bala akako.

Isaya 1:6

Cako ki tienu piny tuno i wi wu malo likame tie karamoro aber; komu dedede opong kede aporeso, kede kakoyure, kede buge acwer. Likame ngatamoro olwoko buge nogo akadi twetweo gi da; likame kowiro gi kede yat.

Isaya 3:17

Do ango abino kiso wi anyira me Yerusalem nogo, di ako weko kom gi me lewic kakaler.”

Jolebi 13:1

Rwot oko mino Musa kede Aaron iswilia gi:

Jolebi 13:3

Ngasaseredoti bino ngico tuwo kame tie i kome nono; ka eko udo be yer me kakame tuwo nono omako odoko tar, doko di ecamo delkome paka donyo i yie, en ebino ngeno be manono obedo tuwo arac me delkom; ingei ngingico en, ngasaseredoti bino tuco kakaler be dano nono obedo dano kopwokere.

Jolebi 13:8

Ngasaseredoti bino ngingico en; ka en eko udo be tuwo nono onyai i delkome, ngasaseredoti bino waco kakaler be dano nono obedo ngat kopwokere; manono udo obedo tuwo arac me delkom.

Jolebi 14:3

di ngasaseredoti ko tere tenge me kimere di eko ngingico en. Ka tuwo me delkom kame dano nono oudo tie kede ocango,

Jolebi 14:35

won ot nono bino ot but ngasaseredoti di eko waco ne kop i kom gi nono.

Malaki 2:7

Pien josaseredoti en kame miero gwok ngec me ateni amako Rubanga. Jo poore ot pwonyere but gin, pien gin en kibedo joor ka Rwot me jo yi.

Wel 12:10

Kakame edou oyai kede ki wi Eema, tuo me delkom oudo otieko mako Miriamu, di kome oko doko tar bala akako. Aaron oko lokere di eko neno Miriamu di tuwo me delkom omako kome dedede.

Wel 12:12

Kur imie ebed bala atin kame konywalo di oto, di ringo kome tetucel otieko top kakame ewok kede ki yi toto mere.”

Matayo 8:4

Yesu oko waco ne be, “Nen be likame iwaco ne ngatamoro gi kotimere, do ot inyutere but ngasaseredoti di iko mino giayala kame bin Musa ociko, pi nyuto ne jo be in itieko cango.”

Marako 1:44

di ewaco ne be, “Miero inen be likame iwaco ne ngatamoro gi kotimere; do ot inyutere but ngasaseredoti, di iko mino giayala me lonyere ni bala kite kame bin Musa ociko kede, pi nyuto ne jo be in do itieko cango.”

Luka 17:14

Kakame Yesu oneno gi kede, en eko waco ne gi be, “Otunu imiunu ngasaseredoti ngic wu.” Kakame oudo kitie ot kede, kom gi oko cango.

Luka 5:14

Yesu oko cike di waco ne be kur eoti ewac ne ngatamoro, do be, “Oti iko nyutere but ngasaseredoti, di iko mino giayala ni me pwoc pi in cango, bala kame Musa bin ociko. Mano bino bedo gikame nyuto be in icango.”

Iswilia 24:8

“Ka ngatamoro tie kede tuwo arac me delkom, miero enen be etimo gi dedede kame ngasaseredoti Ngalebi bino waco ne, bala kame ango atieko ciko negi.

Iswilia 28:27

Rwot bino cwano ne wu giakwoti bala kame bin etimo ne jo me Misiri; ebino coro buge i komu, nyac kede gwenyu kalikame bino cango.