Jolebi 10:9 - Baibuli I Leb Kumam 2013

⁹ “In kede awobe ni likame ipoorenu donyo i yi Eema me ariamakin keda ingei mato bwini arabo kongo moro ace; ka itimunu kamanono, ibinunu to. Iswil noni mako kiton ikwae ni me kare lung me anyim.

Jolebi 10:9 Iomraidhean Croise

Yai 27:21

Aaron kede awobe mege bino bedo iiko etala i yi Eema kacil, i ooko me isenge, i nyim Sanduku me Isikan. Etala nono bino liel i nyima cako otieno tuno odiko. Cik noni jo me Isirael kede ikwae gi bino gwoko pi kare dedede.”

Agole 20:1

Mato bwini mio dano doko nganywar, kongo mio dano doko ngalok. Ngat kame mato kongo di eko mer likame riek.

Isaya 28:7

Josaseredoti kede inabin gete pien kimer, kongo akec wingo wi gi. Bwini omio wi gi likame tio. Wi gi do likame twero niang gianyuta ka Rubanga kede ngolo ne jo kop kiber.

Esekeri 44:21

Likame tie ngasaseredoti moro kame poore mato bwini kame etie donyo i diakal me yie me tempulo.

Kosea 4:11

Rwot waco be, “Bwini oti kede bwini anyen tie kwanyo tenge niang me jo na.

Jolebi 10:8

Rwot oko waco ne Aaron be,

Jolebi 3:17

Ebino bedo iswil kame bedo nakanaka i kabedo dedede but ikwae kede ikwae be: likame jo me Isirael poore camo kakamio amoto remo.

Wel 6:20

Di do ngasaseredoti ko bino kiarao gi i nyim Rwot pi bedo giamia bute. Gin kibedo giamia kacil kame ngasaseredoti tero, karacel kede kapumito kame kokiarao i nyim Rwot kede amuro kame koyalo. Ingei manono dano kokwerere nono twero do mato bwini.

Wel 6:3

gin kibino weko mato bwini kede kongo ace akec. Likame gin kibino mato pige me olok, amoto camo anyakini me olok anumu amoto otuo.

Luka 1:15

Piento en ebino bedo dano adwong adikinicel i nyim Rwot. En likame ebino mato bwini arabo gimoro akec kame mero jo. Doko ebino pong kede Tipo Kacil, cako ki yi toto mere.

Joepeso 5:18

Kur idonyunu mer kede bwini, pien mano bino dubo kuo wu; do akaka manono, miunu Tipo pong i cunyu,

1 Temeseo 3:3

ngat kalikame ngamera, ngat kalikame ger do emwol, ngat kalikame ngalok, doko di likame cunye maro sente.

1 Temeseo 3:8

Kamanono da, dikonin miero bed jo kame ekite gi beco, jo kalikame lokoloko dud gi, jo kalikame mato bwini atot, doko di likame kitie kede eranga me mito ud;

1 Temeseo 5:23

Kur i meede mato pii kenekene, do mat da bwini moro anonok pi yii kede pi aramo kame loli kare i kare.

Tito 1:7

Pien bisop, bala ngagwok ka Rubanga, miero bed abongo raco moro, kur ebed ngaewaka, arabo ngangoi, arabo ngamera, arabo ngagero, amoto bedo kede eranga me mito ud,