Jolebi 10:3 - Baibuli I Leb Kumam 2013

³ Di Musa oko waco ne Aaron be, “Manoni en dwong me gikame Rwot oudo owaco kakame ewaco kede be, ‘Jo kame timo na tic poore bedo kede wor buta bala ngat kacil; jo dedede bino mina deyo.’ ” Do Aaron oko ling alinga.

Jolebi 10:3 Iomraidhean Croise

Ageini 18:25

Ateteni in likame ibino timo gikame cal kamano, me neko jo kopoore karacel kede jo areco, tetekeny jo kopoore da bed rom aroma kede jo areco! Likame ibino timo! Mam Ngangolkop me lobo lung miero ngol kop i yore me ateni?”

Yobu 2:10

Do Yobu oko waco ne be, “In itie yamo bala dako angamingo. In iparo be wan opoore gamo bero kibut Rubanga di oko dagi gamo raco kibute?” Bed bala manoni otimere ne, do dog Yobu likame oko yamo kop moro me dub.

Sabuli 119:120

Koma miel pi lwori, doko ango alworo ngolo kop nin.

Sabuli 148:14

En etieko mino jo mege odoko tek, tetekeny jo mege dedede agenere pake, gin jo me Isirael kame en emaro. Pakunu Rwot!

Sabuli 39:10

Jik do alola kame imia; abap me cingi otieko teko na.

Sabuli 39:9

Ango do aling; likame bobo abino ngamo doga, pien in en kame itieko timo nango kamanoni.

Sabuli 46:10

En ewaco be, “Bedunu mot, di ikounu ngeno be ango abedo Rubanga! Atekerin dedede miango dwongo, wi lobo lung miango dwongo.”

Sabuli 89:7

Rubanga kame kolworo kitek i kansulo me tipere kacil, ngat kame pire dwong, doko kame kolworo kalamo gin dedede kame kiluke?

Sabuli 93:5

Iswilia nin likame lokere, Okwe Rwot; odi cil adikinicel ikar kede ikar.

Yai 14:17

Ango abino mino jo me Misiri bedo joepali di kiko donyo i yi nam lubo jo me Isirael, di ango ako bino udo dwongo pi bwono Parao kede isirikalen mege, cabalan kede jo kame ringo kede cabalan mege.

Yai 14:4

Abino mine ebedo ngaepali di eko cako wapo wu, tetekeny ango ako bino bwono Parao kede isirikalen mege di ako bino udo dwongo. Manono bino mino jo me Misiri ngeo be ango abedo Rwot.” Jo me Isirael oko timo gikame kowaco negi.

Yai 19:22

Akadi kiton josaseredoti kame bino noka da poore lonyere, aso ka li, abino timo negi can.”

Yai 19:24

Rwot oko waco ne Musa be, “Dok piny di iko kelo Aaron kan; do miero kur josaseredoti kede jo apat ngol ikor pi bino buta, ka li, abino timo negi can.”

Yai 30:30

Di do in iko bino wiro Aaron kede awobe mege, di iko kwero gi pi gin bedo josaseredoti kame timo nango tic.

Isaya 39:8

Di do Esekia oko waco ne Isaya be, “Kop ka Rwot kame in itieko waco na nono ber.” En ewaco kamanono pien oudo eparo be mulem kede anapakin bino bedo tie i kare me kuo mere.

Isaya 49:3

En ewaco na be, “In en ngatic na, in ical bala Isirael, jo bino paka pi in.”

Isaya 52:11

Yaunu, yaunu tenge ki kunono! Wun jo kame yeo jamini me timo tic ka Rwot, kur imulunu gimoroni komunaun; yaunu tenge kiye di ikounu lonyere.

Esekeri 20:41

Ingei ango kwanyo wu ki atekerin me pinye kame kosasaro wu iye di ako coko wu karacel, ango abino yei gamo wu bala gikame ngwe kur kame yomo cunya; di ango ako bino nyutere i diere wu i nyim atekerin be ango en Rubanga kacil.

Esekeri 28:22

Wac ne be ango Rwot Rubanga atie waco kaman: ango atieko doko ngakwor ni, in Sidon. Jo bino paka pi gikame abino timo ni. Jo bino ngeno be ango abedo Rwot, kakame ango abino mino kede jo ni alola di ako nyuto be ango abedo ngat kacil.

Esekeri 38:16

Ibino suro jo na me Isirael bala kame edou me kot me yamo umo kede wi lobo. Abino cwani suro lobo na tetekeny atekerin ko bino ngena, ka ango anyuto negi be ango abedo ngat kacil i gikame ango abino timo kibuti in Gog.

Esekeri 40:46

kede agola kame nyime oudo neno bad tetu malo oudo obedo me ka josaseredoti kame oudo tio i alutari. Josaseredoti nogo dedede oudo obedo ikwae ka Sadoki, pien gin kenekene kikom ikwae ka Lebi en kame koyei negi noko Rwot pi timo ne tic.

Esekeri 42:13

Icuo nono oko waco na be, “Agolai atie i bad tetu malo kede i bad tetu piny, kame neeno kede kakatwolo me nget tempulo obedo agolai kacil, kakame josaseredoti aoto i nyim Rwot camo kiye giayala kacil kalamo. Kanono en kame gin kiketo iye giayala kacil kalamo: giayala me alos kede me kwanyo dub kede me timo cul.

Jolebi 21:15

tetekeny kur emi idwe mege bed jo kopwokere kikom jo mege; pien ango en Rwot ngat kame alonye.”

Jolebi 21:17

be ewace Aaron be, “Likame tie akwari moro kame tie kede angwal moro, kame bino noka pi mina giayala awanga me cam. Manoni tie pi kare lung me anyim.

Jolebi 21:21

Likame tie akwar Aaron ngasaseredoti moro, kame tie kede angwal moro, kame bino noka pi mina giayala awanga; piento en etie kede angwal, en likame ebino noka pi mino ango Rubanga mere giayala me cam.

Jolebi 21:6

Gin kibino bedo jokacil but ango Rubanga gi, doko likame kibino kelo acae i nyinga. Pien gin kimio giayala awanga me cam buta, gin poore kibed jokacil.

Jolebi 21:8

Jo poore ter gi bala jokacil, pien gin kimio giayala me cam but ango Rubanga wu. Ango Rwot abedo ngat kacil, doko alonyo jo na kibedo cil.

Jolebi 22:9

“Josaseredoti bino lubo gikame ango awaco ne gin, tetekeny gin kur kibed kede raco moro di kiko to i kabedo kacil pi kelo acae iye. Ango en Rwot, ngat kame lonyo gin.

Jolebi 8:35

Ibinunu dong bedo i ekeko me Eema me riamo iwor kede iceng pi ceng kanyaare, di itimunu gikame Rwot ociko, ka li ibinunu to; manoni en gikame Rwot ociko na.”

Wel 16:5

Di eko waco ne Kora kede jo dedede kame oudo eupere kede be, “Diki odiko Rwot bino nyuto ne wa ngai en kobedo mere; en ebino yei ne ngat kobedo mere, ngat kame en ebino yero, pi ot bute i alutari.

Wel 20:12

Do Rwot oko waco ne Musa kede Aaron be, “Pien wun likame ikounu keto gen wu buta, omio likame ikounu nyuta i wang jo me Isirael be ango ngat kacil. Pi mano, wun likame ibinunu telo gi tuno i lobo kame ango atieko cikere pi mino gi.”

Matayo 10:37

“Ngat kame maro toto mere arabo papa mere kalamo ango, udo likame epoore pi bedo mera. Doko ngat kame maro wode arabo nyare kalamo ango, udo likame epoore bedo mera.

Yokana 12:28

Papa, mi deyo bed i nyingi.” Dwan oko winyere di waco ki malo be, “Ango atieko mine deyo, doko abino medo timo kamanono.”

Yokana 14:13

Gimoroni kame ibinunu kwano i nyinga, ango abino timo tetekeny jo mi Papa deyo pi Wode.

Iswilia 32:51

Pien in kede Aaron likame ilubunu cik na i nyim jo me Isirael. Kakame oudo itienu kede i pii me Meriba, i nget bomba me Kades, kame tie i wi tim me Sin, wun likame ibedunu kede wor buta i nyim jo na.

2 Jotesalonika 1:10

Man bino timere i Ceng kame en ebino bino kede pi jo mege mine deyo, kede pi jo dedede kame yei en ure i Ceng nono; pien wun iyeunu ijura kame bin wan omio.

1 Petero 4:17

Pien kare otieko tuno me ngolo kop, kobino cako kede jo me ot ka Rubanga. Ka etie gere kede wan, nyo kame do bino bedo ajikini me jo kame odagi lubo ejiri ka Rubanga?

1 Samuel 2:30

Pi mano Rwot Rubanga me Isirael waco be, ‘Ango oudo acikere be jo me odi kede jo me ot ka kwaru ni bino tic na bala josaseredoti nakanaka’; do nan Rwot waco be, ‘Likame abino timo kamanono; do ango abino mino wor but jo kame mia wor, kede abino mino lewic mako jo kame tie kede acae buta.

1 Samuel 3:18

Aso, Samuel oko waco ne kop dedede; likame emungo ne gimoro. Eli oko waco be, “En ebedo Rwot, en etim gikame ber kibute.”

1 Samuel 6:20

Di jo me Bet Semes oko waco be, “Ngai kame sobolo cungo i nyim Rwot, Rubanga kacil noni? Tuai kame eoti iye tetekeny ewek wan odong ken wa?”