Jolebi 10:1 - Baibuli I Leb Kumam 2013

¹ Nadab kede Abiku, awobe ka Aaron, ngat acelacel oko kwanyo tago mere me wango odok angwe kur, kiko keto itonge me mac i yi gi kede odok angwe kur; gin kiko dunyo gi but Rwot do di likame Rwot ociko gi be kitim kamanono.

Jolebi 10:1 Iomraidhean Croise

1 Abakai 18:38

Di mac ka Rwot oko bino di eko wango giayala nono dopodop, kede yen, kede kide, kede lobo da oko dop paka pii koudo tie i puleju tuo.

Sabuli 141:2

Wek ilega na bed bala giawanga kame ngwe kur i nyimi, kede cinga kame atingo malo i ilega bed bala giayala me otieno.

Yai 24:1

Rwot oko waco ne Musa be, “Bianu buta i wi moru, in kede Aaron, Nadab, Abiku, kede joadongo ot kanyaare me Isirael; di ikounu wora ki tenge.

Yai 24:9

Di do Musa kede Aaron, Nadab kede Abiku, karacel kede joadongo me Isirael ot kanyaare oko yito i wi moru,

Yai 27:3

Ibino timo agune me gano buru mege, doko iko timo gi me kikiso alutari kede kalayan kede ilumai kede itatany me kwanyo buru aliet. Jamini nogi dedede miero kotim kede nyonyo buronsi.

Yai 28:1

Rwot oko waco ne Musa be, “Lwong omini Aaron buti, en karacel kede awobe mege, Nadab, Abiku, Eleasar kede Itamar. Pok gi kikom jo me Isirael, tetekeny gin kitim na tic bala josaseredoti.

Yai 31:11

mo me wir, kede odok angwe kur kame kodunyo i Kabedo Kacil. Gin kibino timo gi nogi bala kame ango atieko ciko ni.”

Yai 37:29

En eko timo mo kacil me wir da, kede odok angwe kur da kacil, kame kotimo bala kame konyalo kede mo angwe mit.

Yai 38:3

En etimo da jamini dedede kame kotimo kede tic me alutari, agune, gi me kikiso wi alutari, kalayan, ilumai, kede itatany. En eko timo jamini nogi dedede kede nyonyo buronsi.

Yai 40:27

di eko wango odok angwe kur i wie, bala kame oudo Rwot ociko ne.

Yai 6:23

Aaron bin oko nyomo Eliseba nyar ka Aminadab, en oudo ebedo amin me Nakason. Gin kiko nywalo Nadab, Abiku, Eleasar, kede Itamar.

Yai 8:27

Wan miero ooti sapali me ceng adek i wi tim di oko ot mino Rwot Rubanga wa giayala bala kame en etieko ciko ne wa.”

Yeremia 19:5

di kiko gero ne Baal alutarin me wango idwe gi i mac bala giayala. Ango likame aciko gi pi timo kamanoni, doko oudo eli i tam na da.

Yeremia 32:35

Gin kitieko gero ne Baal alutarin i aditot ka wot ka Kinom, me mino idwe awobe gi kede anyira but rubanga Molek. Ango likame oudo aciko gi be kitim kamanono, doko likame oudo gikacal kamanono obino i tam na be gin kibino timo gi me kwer kacal kamano di kiko mino jo me Yuda timo dub.”

Yeremia 44:15

Di do cuo dedede kame oudo ngeo be mon gi lem tie mino giayala but rubangan apat, karacel kede mon dedede kame oudo tie cungo kunono, kiton jo me Isirael kame oudo bedo Paturos i Misiri kunono, twon ekodet me jo, gin dedede kiko waco na be,

Yeremia 44:8

Pinyo kame mio wun iwangunu cunya i yore me woro gikame cingu ocweo, di imiunu giayala but rubangan apat i lobo me Misiri kakame itienu bedo iye? Benyo, imitunu muducar di ikounu doko jo kame atekerin dedede me wi lobo tio kede nying gi me lamo jo, kede kame konyero kede acae?

Yeremia 7:31

Gin kigero i aditot me Kinom alutari gi kame kolwongo be Topet, me wango awobe gi kede anyira gi i mac. Manoni obedo gikame ango likame aciko gi pi timo, doko da likame oudo etie i tam na.

Jolebi 16:1

Kakame awobe ka Aaron are oko to kede pi oudo gin kioto noko Rwot,

Jolebi 16:12

en ebino kwanyo ki alutari tago me dunyo odok angwe kur, kame itonge me mac opong iye, eko juko odok angwe kur kame kodonyo cing are, di eko tero gi i yi isenge.

Jolebi 22:9

“Josaseredoti bino lubo gikame ango awaco ne gin, tetekeny gin kur kibed kede raco moro di kiko to i kabedo kacil pi kelo acae iye. Ango en Rwot, ngat kame lonyo gin.

Jolebi 9:24

Mac oko wok kibut Rwot di eko wango giayala awanga dedede karacel kede kakamio kame oudo tie i wi alutari. Kakame jo oneno kede manono, gin kiko icelakin di kiko riebere piny.

Wel 16:46

Musa oko waco ne Aaron be, “Kwany itatany ni me dunyo odok angwe kur di iko kwanyo mac ki alutari iket iye, di iko keto iye odok angwe kur iko ot awakawaka itim ne jo pwola me lonyere. Pien lilo ka Rwot otieko neeno; aumpuli otieko cakere.”

Wel 26:61

Do Nadab kede Abiku bin oko to kakame gin bin kimio kede giayala awanga but Rwot, gi kalikame iswil oudo mito.

Iswilia 12:32

Wun miero iketunu cunyu lubo gi dedede kame ango aciko ne wu; kur imedunu gimoro iye arabo ikwanyunu gimoro tenge kiye.”

Iswilia 17:3

di eoto timo tic ne rubangan apat doko eworo gi arabo eworo ceng, duwe amoto acerin, gikame cik ka Rwot gengo,

Iswilia 4:2

Kur imedunu kop moro i kom kop kame ango aciko ne wu, doko kur ikwanyunu kop moro tenge, do gwokunu cik ka Rwot Rubanga wu kame ango atieko mino wu.

Iburanian 9:4

Kanono oudo tie iye alutari kame kotimo kede saabu, me wango bubani kede da oudo tie iye Sanduku me Isikan, kame kome dedede oudo obedo saabu. I sanduku noni oudo tie iye jagi kame koketo iye emanu, ebela ka Aroni kame oudo olot, kede kide me isikan kame oudo kowandiko iye cik.