Jolebi 1:9 - Baibuli I Leb Kumam 2013

⁹ do miero lwok amontena kede tiene. Di ngasaseredoti atie telo tic ko wango kom giayala nono dedede i wi alutari di yiro mere ko duny. Ngwece me giayala awanga nono yomo cuny Rwot.

Jolebi 1:9 Iomraidhean Croise

Ageini 8:21

Kakame Rwot ongweo kede ngwece me giayala oko yomo cunye, en eko waco be, “Likame bobo abino lamo lobo pi tim me dano, pien tam kame tie i cuny dano reco cako di pwodi etitidi; doko likame abino muducaro gi akuo bala kame atieko timo.

1 Iyutun 6:34

Elikana, Yerokam, Eliel, Toa,

2 Iyutun 4:6

En eko da timo kalayan tomon me lwokere, di oko keto kany i bad tetu cam kede kany i bad tetu ngodal. Oudo kotio kede gin me lalao jamini kame kotio kede gi i kom giayala awanga. Pii me epipa josaseredoti en kame oudo lwokere kede.

Sabuli 51:6

In imito cuny kame tie kede ateni; pi mano, pwony cunya me diere i rieko.

Sabuli 66:15

Abino mini giayala awanga kocwe, kede yiro kame duny yai ki kom romini kame owango i wi alutari; abino yali kede twonin kede diegi.

Yai 12:9

Kur icamunu ringo moro anumu amoto kame kocwako acwaka kede pii, do camunu ringo kame kobulo abula, ribo kiton wi gi kede tien gi kede jamini me yi gi da.

Yai 29:18

Wang oromo nono lung i wi alutari; en etie giamia awanga but Rwot; giamia kame kowango kede mac, giamia kame ngwe kur but Rwot.

Yai 29:25

Di do in iko bino gamo gi ki cing gi, di iko wango gi i wi alutari medo i kom giayala awanga kame ngwe kur buta.

Yeremia 4:14

Okwe wun jo me Yerusalem, lwokunu tenge tice areco ki cunyu, tetekeny Rwot ko bino lako wu. Ibinunu kara bedo kede tamu areco nogo tuno awene?

Esekeri 20:28

I kare kame bin ango atieko tero gi kede i lobo kame ango oudo akwongere pi mino gin, gin kiko lokere wango cunya i yore me mino giayala gi i kabedo moroni kenekene kame gin bin kineno iye emukura moro, arabo yat moro, oudo kitero kagonogo giayala gi angwe kur, kede giayala amata.

Esekeri 20:41

Ingei ango kwanyo wu ki atekerin me pinye kame kosasaro wu iye di ako coko wu karacel, ango abino yei gamo wu bala gikame ngwe kur kame yomo cunya; di ango ako bino nyutere i diere wu i nyim atekerin be ango en Rubanga kacil.

Esekeri 40:38

I diakal aoko oudo tie iye agola moro kame koropo i kom erute me yie me bad tetu malo. Ekeko mere oudo tie i agola alac me kadonyo, kame oudo neeno kede diakal. Kanono oudo kolwoko kiye ringo me leini kame komio bala giayala awanga alutu.

Jolebi 1:13

Do miero lwok amontena kede tiene. Di ngasaseredoti atie telo tic ko wango kom giayala nono dedede i wi alutari di yiro mere ko duny. Ngwece me giayala awanga nono yomo cuny Rwot.

Jolebi 1:17

En ebino mako bwome di eko nyile epedere apeda do di likame eko mine ecot; di ngasaseredoti ko wango kom giayala nono i wi alutari di yiro mere ko duny. Ngwece me giayala awanga nono yomo cuny Rwot.

Jolebi 2:16

Ngasaseredoti bino kwanyo dul atitidi me alos kame koriego di gwai nono, karacel kede mo kede odok angwe kur, di eko wange di yiro mere ko duny. Manono obedo giayala awanga but Rwot.

Jolebi 2:2

di eko tere but josaseredoti awobe ka Aaron. Ngasaseredoti atie timo tic bino juko alos pong cinge di mo kede odok angwe kur tie iye, di en eko wange i wi alutari di yiro mere ko duny. Dul atitidi nono nyuto be akadi kodong da kotieko yalo but Rwot. Ngwece me giayala awanga nono yomo cuny Rwot.

Jolebi 2:9

Ngasaseredoti bino kwanyo dul atitidi me giayala nono, di en eko wange i alutari di yiro mere ko duny. Dul atitidi nono nyuto be akadi kodong da kotieko yalo but Rwot. Ngwece me giayala awanga nono yomo cuny Rwot.

Jolebi 3:11

Di ngasaseredoti atie i wang tic ko wango gi nogi dedede i wi alutari bala giayala awanga but Rwot di yiro gi ko duny.

Jolebi 3:5

Di awobe ka Aaron josaseredoti ko wango gi nogi i alutari karacel kede giayala awanga ace, di yiro gi ko duny. Ngwece me giayala awanga nono yomo cuny Rwot.

Jolebi 4:31

Di do en eko waro kakamio mere dedede, bala kame kokwanyo kede kakamio me giayala me nywak, di ngasaseredoti ko wange eduny yiro i wi alutari, di ngwece mere ko yomo cuny Rwot. I yore noni, ngasaseredoti bino mino giayala me kwanyo dub me dano nono, di Rubanga ko sasiro en.

Jolebi 6:14

Magi en iswilia amako giayala me alos: Awobe ka Aaron ngasaseredoti bino mino alos but Rwot i nyim alutari.

Jolebi 8:28

Musa oko kwanyo gi nogo ki cing gi di eko wango gi i wi alutari bala giayala awanga but Rwot. Manoni oudo obedo giayala me kwero josaseredoti, giayala awanga kame ngwece mere yomo cuny Rwot.

Jolebi 9:14

Eko da lwoko amontena mege kede tiene di eko dokakino gi i kom giayala awanga ace i wi alutari.

Sakaria 13:7

Rwot me jo yi waco be, “Cei in epima di iko suro ngakwat na kobedo da ngawota! Neke di romini ko sasarun. Ango abino suro jo na

Wel 15:3

“Ibinunu donyo mina giayala me twonin, imerekekin, romini kede diegi bala giayala awanga, arabo bala giayala me cobo isikan, arabo bala giayala me bercuny, arabo bala giayala me ceng adongo me edini; ngwece me giayala awanga nogi bino yomo cunya.

Wel 28:11

I agege me duwe acelacel, ibinunu mino giayala awanga but Rwot kaman: itobai are, emerekek acel, idwe romini kanyaare me mwaka acelacel, gin dedede di likame kitie kede peko moro i kom gi.

Wel 28:7

Giayala amata lita acelacel me bwini en kame bino upere kede giayala me idwe romini nogo; kobino onyo giayala amata me bwini akec but Rwot i kabedo kacil.

Wel 28:8

Oromo ocelu kobino yalo otieno di piny amumusit, iepone acel nono kame koyalo kede me odiko. Eda etie giayala me cam, kame ngwece mere yomo cuny Rwot.

2 Jokorinti 2:15

Pien wan ocal bala giayala kame ngwe kur kame Kirisito mio but Rubanga, kame ngwece mere sarakin but jo kame Rubanga tie lako, kede but jo kame tie rwenyo.

Joepeso 5:2

Bedunu kede amara, bala kame Kirisito omaro wa kede di eko jalo kuo mere pirwa bala giamia kame ngwe kur, kede giayala but Rubanga.

Iswilia 12:27

Ibinunu mino giayala awanga wu, ringo karacel kede remo, i wi alutari ka Rwot Rubanga wu; remo me giayala wu apat mege ibinunu onyo i nget alutari ka Rwot Rubanga wu, do ringo gi itwerunu camo.

Jopilipi 4:18

Ango atieko gamo cul na dedede kede kalamo. Ango atieko udo gikame oroma, pien Epaporodito omia giamia kame icwaunu na. En ebedo giamia kame ngwe kur, giayala kame Rubanga gamo, doko kame yomo cunye.